2021 ވަނަ އަހަރު ނިމި 2202 ވަނަ އަހަރު ފަަށަން ތައްޔާރުވެފައި ވާއިރު ގިނަ އަދަދެއްގެ މަޝްހޫރު ސެލެބްރިޓީން ވަނީ މިފަހަރުގެ އާ އަހަރު ފާހަގަ ކުރުމަށް ރާއްޖެ ޚިޔާރު ކޮށްފަ އެވެ. އޭގެ ތެރޭގައި ވެސް ގިނަ އަދަދެއްގެ ބޮލީވުޑް ތަރިން ހިމެނެ އެވެ.

ދިޝާ ޕަތާނީ އަދި ޓައިގާ ޝްރޮފް

ލޯބިވެރިންގެ ގޮތުގައި އަޑު އަރާފައިވާ ދިޝާއާއި ޓައިގާގެ އެންމެ މަގުބޫލު މަންޒިލަކީ ރާއްޖެއޭ ބުުނުމަކުން ދޮގަކަށް ނުވާނެ އެވެ. ޖެހިޖެހިގެން ހަތަރު ވަނަ އަހަރު އާ އަހަރު ފާހަގަ ކުރަން މި ދެމީހުން ރާއްޖެއަށް އައިސްފައި ވާއިރު ދެމީހުން ރާއްޖެ އަންނަ ވަރު ގިނަކަމުން ރާއްޖެއަށް ދިރިއުޅުން ބަދަލު ކޮށްފި ކަމަށް ވެސް އަޑުތައް ވަނީ އަރާފަ އެވެ.

ރަންވީރު ސިންގް އަދި ދީޕިކާ ޕަދުކޯން

ބޮލީވުޑްގެ އެންމެ މަގުބޫލު ޖޯޑުތަކުގެ ތެރެއިން އެއް ޖޯޑަކަށް ވާނީ ހަމަ ގައިމު ވެސް ދީޕިކާއާއި ރަންބީރުގެ ޖޯޑެވެ. މި ދެ މީހުން މި ފަހަރު ރާއްޖޭގައި ހޭދަކުރާ ޗުއްޓީގެ އެއްވެސް ފޮޓޯއެއް މީޑިއާގައި އާއްމު ކޮށްފައި ނުވި ނަމަވެސް މި ދެމީހުން ވެސް އާ އަހަރު ފާހަގަ ކުރަނީ ރާއްޖޭގައި ކަމަށް އިންޑިއާގެ މީޑިއާތަކުން ބުނެ އެވެ.

އަކްޝޭ ކުމާރު އަދި ޓްވިންކަލް ޚަންނާ

ބޮލީވުޑްގެ މަޝްހޫރު އެކްޝަން ހީރޯ އަކްޝޭ ކުމާރުއާއި އަންހެނުން ޓްވިންކަލް ޚަންނާ މިއަހަރު އާ އަހަރު ފާހަގަ ކުރަނީ ސޮނޭވާ ޖާނީ ރިސޯޓުގަ އެވެ. މި ދެމަފިރިން ރާއްޖެ އައިސްފައި މިވަނީ ޓްވިންކަލްގެ އުފަން ދުވަސް ފާހަގަ ކުރުމަށާ އެކުގަ އެވެ.

ޝްރައްދާ އާރްޔާ

ހިންދީ ސީރީޒްތަކުގައި މަގުބޫލު މޫނެއް ކަމަށްވާ ޝްރައްދާ އާރްޔާ ގިނަ ބަޔަކަށް އެނގޭނީ ޒީޓީވީއިން ދައްކާ ކުންޑަލީ ބާގްޔާގެ ޕްރީތާގެ ގޮތުގަ އެވެ. ދާދި ފަހުން ކައިވެނި ކުރި ޝްރައްދާ އޭނާގެ ފިރިމީހާއާއެކު ރާއްޖޭގައި ހަނީމޫން ފާހަގަ ކުރަމުން އަންނަނީ ހައިޑްއަވޭ މޯލްޑިވްސްގަ އެވެ.