މާދަމާ އަކީ ރާއްޖެއަށް ރަމަޟާން މަހުގެ ފުރަތަމަ ދުވަސް ކަމުގައި މިނިސްޓްރީ އޮފް އިސްލާމިކް އެފެއާޒުން އިއުލާންކޮށްފި އެވެ.

ހަނދު ސާބިތުކުރުމަށް އިސްލާމީ މަރުކަޒުގައި މިރޭ ބޭއްވި ބައްދަލުވުމަށްފަހު މިނިސްޓަރު ޑރ. އަހްމަދު ޒާހިރު އަލީ ވިދާޅުވީ ރާއްޖޭގެ ބައެއް ރަށްރަށަށާއި އިސްލާމީ ބައެއް ގައުމުތަކަށް ހަނދު ފެނުނުކަން ޝަރުއީ ހަމަތަކުން ސާބިތުވާ ކަމަށެވެ.

އައްޑޫ ސިޓީއަށް ހަނދުފެނިފައިވާ ކަމަށް ފަސް އަންހެނަކު ވަނީ ހިތަދޫ ކޯޓުގައި މިރޭ ހެކިބަސް ދީފަ އެވެ.