އުފާވެރި އަދި ވަރުގަދަ ކައިވެނީގެ ގުޅުމަކަށް ދެފަރާތުގެ މަސައްކަތް ވެސް ބޭނުންވާނެ އެވެ. ޖެހޭ މައްސަލަތައް ހައްލުކޮށް ދެ ފަރާތުގެ މަސްލަހަތު ވެސް އިސް ކުރުމަކީ ބާއްޖަވެރި ކައިވެންޏެއުްގެ ސިއްރެވެ. މި ލިޔުމުގައި މި ބަލާލަނީ އުފާވެރި ޒަވާޖަކަށް ކުރުން މުހިއްމު ބައެއް ކަންކަމަށެވެ.

ދުވަހުގެ ކަންކަންދިޔަ ގޮތް ހިއްސާ ކުރުން

ކޮންމެ ދުވަހަކު ވެސް އެ ދުވަހެއްގައި ކަންކަން ހިނގި ގޮތް އަބަދުވެސް ބައިވެރިޔާއާ ހިއްސާ ކުރާށެވެ. މިސާލަކަށް މަސައްކަތުގެ ތެރޭގައި ދިމާވާ ކަންކަމުގެ ވާހަކަ ދައްކާ ކަމެއްގައި ލަފާހޯދުމަށް އެކަންކަމާ މަޝްވަރާ ކުރާށެވެ. އެ ކަމުން އެއީ ތިމާއަށް މުހިއްމު ހާއްސަ މީހެއްކަން ބައިވެރިޔާއަށް އިހްސާސް ކުރެވޭނެ އެވެ.

ލޯބިވާކަން ހާމަ ކުރުން

ލޯބިވާކަން ހާމަކުރުމަކީ އަބަދު އެހެން ބުނުމެއް ނޫނެވެ. ކުދި ކުދި ކަންކަމުގައި ވެސް ހަދިޔާ ބަދަލު ކުރާށެވެ. ބައިވެރިޔާގެ ކިތަންމެ ކުޑަކަމެއް ނަމަވެސް އެއީ މުހިއްމުކަމެއްކަން އަންގާށެވެ. ލޯބިވާކަން އަންގަން އެންމެ ރަނގަޅު ގޮތަކީ އަމަލުން އެކަން ދެއްކުމެވެ.

އެކުގައި ވަގުތު ހޭދަ ކުރުން

ހުރިހާ ވަގުތެއް އެކުގައި ހޭދަނުކުރެވުނަސް ކޮންމެ ދުވަހަކުވެސް ކޮންމެވެސް ވަރަކަށް އެކުގައި ވާހަކަ ދައްކާލުމަށް ވަގުތު ކޮޅެއް ހުސް ކޮށްލާށެވެ. އަބަދު ނޫނަސް އެކުގައި ދުއްވާލުމަށް ނުވަތަ ބާޒާރުކޮށްލުންފަދަ ކަމެއް ކޮށްލާށެވެ. އެކުގައި ހޭދަކުރާ ވަގުތަކީ ގުޅުން ބަދަހި ކުރުމަށް އެންމެ މުހިއްމު އެއް ކަމެވެ.