ތުރުކީއަށް އައި ބިންހެލުމުގައި ހާލުގައި ޖެހިފައިވާ މީހުންނަށް އެހީވުމަށް ރާއްޖޭގެ އެތެރެހަށީގެ ޑޮކްޓަރު ޑރ. މުހައްމަދު އަލީ އެ ގައުމަށް ވަޑައިގެންފި އެވެ.

އޭނާ އެ ގައުމަށް ވަޑައިގަތީ އިންޓަނޭޝަނަލް އެއިޑް ކެމްޕޭން (އައިއޭސީ)އާ ގުޅިގެން ނެވެ. އައިއޭސީއާ ގުޅިގެން މީގެކުރިންވެސް އޭނާ ބައެއް ގައުމުތަކަށް ދަތުރުކުރައްވާފައިވެ އެވެ.

ޑރ. މުހައްމަދު އަލީ ތުރުކީއަށް ފުރައި ވަޑައިގަތުމުގެ ކުރިން ހިއްސާކުރެއްވި ވިޑިއޯއެއްގައި ވިދާޅުވީ ރާއްޖެ އަކީ ކުޑަ ގައުމަކަށްވީ ނަމަވެސް މީހުންނަށް އެހީވުމުގައި ދިވެހިންނަކީ އަބަދުވެސް އެންމެ ކުރީގައި ތިބޭ ބައެއް ކަމަށެވެ.

ތުރުކީ-ސީރިއާ ބޯޑަރު ސަރަހައްދަށް ހޯމަ ދުވަހު އައި ބާރުގަދަ ބިން ހިންލެމުގައި މިހާތަނަށް 21،000 މީހުން ވަނީ މަރުެފަ އެވެ. އަދި ލައްކައަކާ ގާތްކުރާ އަދަދަކަށް މީހުންނަށް އަނިޔާވެ، ފަރުވާ ދޭން ޖެހިފައިވެ އެވެ.