އިންސާނުން ކުރި ސުވާލުތަކަކަށް ރޮބޮޓުންތަކެއް ޖަވާބުދޭ ގޮތަށް ދުނިޔޭގައި އެންމެ ފުރަތަމަ ބޭއްވި ނޫސްވެރިންގެ ބައްދަލުވުން ޖެނީވާގައި ބާއްވައިފި އެވެ.

މިފަހުން ބޭއްވި އާޓިފިޝަލް ިއިންޓަލިޖެންސް ފޯރަމެއްގައި ޖުމްލަ ނުވަ ރޮބޮޓެއް ވަނީ ނޫސްވެރިން ކުރި ސުވާލުތަކަށް ޖަވާބު ދީފަ އެވެ.

އެގޮތުން އިންސާނުންގެ މަސައްކަތްތަކަށް ރޮބޮޓުން ނުފޫޒު ނުފޯރުވާނެ ކަމަށާއި އިންސާނުންނާ ދެކޮޅަށް އެއްވެސް ކަމެއް ނުކުރާނެ ކަމަށް ވެސް ރޮބޮޓްތައް ވަނީ ބުނެފަ އެވެ.

މި ބައްދަލުވުމުގައި "އެމެކާ" ނަމަކަށް ކިޔާ ރޮބޮޓެއް ބުނީ އޭނާ ފަދަ ރޮބޮޓުތަކަކީ އިންސާނުންގެ ކަންކަން ފަސޭހަކޮށްދީ ދުނިޔެއަކީ މިހާރަށްވުރެ ރަނގަޅު ތަނަކަށް ހަދަން އެހީވެވިދާނެ ބައެއް ކަމަށެވެ.

"އަހަރުމެން މަސައްކަތް ކުރާނީ އިންސާނުންނާއެކު އަހަރުމެންދޭ ޚިދުމަތުގެ ފެންވަރު ރަނގަޅު ކުރަން" ނަރުހެއްގެ ގޮތުގައި މަސައްކަތްކުރާ ރޮބޮޓެއް ކަމަށްވާ ގްރޭސް ބުންޏެވެ.

އާޓިފިޝަލް އިންޓެލިޖެންސްގެ ޓެކްނޮލޮޖީއާއެކު އިންސާނުންނާ ދާދި އެއްގޮތަކަށް މަސައްކަތްކުރާ ރޮބޮޓުން ވުޖޫދަށް އައިސްފައިވާއިރު މިއީ އިންސާނީ ނަސްލަށް ހުރި ނުރައްކަލެއްގެ ގޮތުގްވި ވެސް ގިނަ ބަޔަކު އަންނަނީ ސިފަ ކުރަމުންނެވެ.