ރައީސް ޑރ. މުހައްމަދު މުއިއްޒު، މިނިސްޓްރީ އޮފް އެގްރިކަލްޗާ އެންޑް އެނިމަލް ވެލްފެއާ ހިންގެވުން ވަގުތީގޮތުން ޑިފެންސް މިނިސްޓަރު މުހައްމަދު ޣައްސާން މައުމޫނާ ހަވާލުކުރައްވައިފި އެވެ.

އެ މިނިސްޓްރީ ހިންގުން ގައްސާނާ ހަވާލުކުރީ މިނިސްޓަރު އާއިޝަތު ރަމީލާ މިދިޔަ މަހުގެ 23 ވަނަ ދުވަހުން ފެށިގެން ޗުއްޓީއެއްގައި ރާއްޖެއިން ބޭރަށް ފުރާވަޑައިގެންފައިވާތީ، އެ ކަމަނާ މި ދަތުރުފުޅު ނިންމަވާލެއްވުމަށްފަހު އެނބުރި ރާއްޖެ ވަޑައިގަންނަވަންދެން ކަމަށް ރައީސް އޮފީހުން ބުންޏެވެ.

މިނިސްޓަރު ރަމީލާ ރާއްޖެއިން ބޭރަށް ވަޑައިގަތީ ކެންސަރުގެ އާލާސްކަންފުޅާ އުޅުއްވާތީ ބޭސްފަރުވާއަށެވެ.