"އަންޑޮކިއުމެންޓެޑް" އެންމެން ޑީޕޯޓްކޮށްލާނެ ކަމުގެ ބިރުގައި
އިބްރާހިމްއާއި ޕަލަކް ރާއްޖޭގައި!
ސްޓެލްކޯ އަށް މިއަހަރު ފައިދާގެ ގޮތުގައި 120 މިލިއަން ލިބޭނެ
އޮޒެމްޕިކް އިންޖެކްޝަން ޖަހައިގެން ހޮލީވުޑްގެ ތަރިން ހިކެން ފަށައިފި އެވެ.
މި އަހަރުގެ ތެރޭގައި މަޝްހޫރުވި އޮޒެމްޕިކް އަކީ ޓައިޕް 2 ޑައިބެޓީސް އަށް ފަރުވާ ކުރުމަށް ހުއްދަ ދީފައިވާ ބޭހެކެވެ.
މި ބޭހުގެ އާންމު ސައިޑްއެފެޓްއަކީ ބަރުދަން ލުއިވުމެވެ. މި ބޭސް ބޭނުންކުރުމުން މިހާ ބަނޑުހައިނުވެ ގިނައިރު ހިފަހައްޓާލަ އެވެ. އެހެންކަމުން އޮފް ލޭބަލްކޮށް ހިކެން މި ބޭސް ބޭނުންކުރެ އެވެ.
އޮޒެމްޕިކްގައި ހިމެނޭ އެކްޓިވް އިންގްރިޑިއަންޓް އަކީ ސެމަގްލޫޓައިޑް އެވެ. "ވެގޯވީ" އަދި "މުންޖާރޯ" ގެ ނަމުގައި ވެސް މި ބޭސް ވިއްކަ އެވެ.
އޮޒެމްޕިކް ބޭނުންކޮށްގެން ހިކުނު ތަރިންގެ ތެރޭގައި އޮޕްރާ ވިންފްރީ ހިމެނެ އެވެ.
އޭނާ ބުނި ގޮތުގައި ބޭސް ބޭނުންކޮށްގެން ހިކުމަކީ އޭނާ ކުރީގައި ވަރަށް ދެކޮޅުކަމެއް ކަމަށެވެ. ނަމަވެސް ފަހުން ޚިޔާލު ބަދަލުވީ އޭނާގެ ބަރުދަނަކީ އޭނާގެ އަމިއްލަ މަސައްކަތުން އެކަނި ބަދަލުނުކުރެވޭނެ އެއްޗެއް ކަމަށް ގަބޫލުކުރެވުމުންނެވެ.
ޝެރޯން އޮސްބޯންވެސް ވަނީ އޮޒެމްޕިކް ބޭނުންކޮށްގެން 42 ޕައުންޑް ހިއްކާލާފަ އެވެ. އޭނާ ބުނިގޮތުގައި ބޭސް ހުއްޓާލީ މާބޮޑަށް ހިކުމުންނެވެ. އެކްޓަރު އަދި ކޮމީޑިއަން ޗެލްސީ ހެންޑްލާ ވެސް ވަނީ އޮޒެމްޕިކް ބޭނުންކުރި ކަމަށް އެއްބަސްވެފަ އެވެ.
އޮޒެމްޕިކް ބޭނުންކުރި ކަމަށް އެއްބަސްވަނީ މަދު ތަރިންތަކެވެ. ގިނަ ތަރިން އުޅެނީ މިކަން ފޮރުވައިގެންނެވެ.
މަޝްހޫރު ކާޑޭޝިއަން އާއިލާ ވެސް މި ބޭސް ބޭނުންކުރާ ކަމަށް ވާހަކަދެކެވެ އެވެ.
