ފެޝަލްއަކީ މޫނު ރީތި ކޮށް ބެހެއްޓުމަށް ކުރެވޭނެ އެންމެ ރަނގަޅު އެއްކަމެެވެ. ޕްރޮފެޝަލް ފޭޝަލްއެއް ހެދުމުގެ އެތައް ފައިދާތަކެއް ހުރެއެވެ.

އޭގެ ތެރޭގައި:

  • މޫނުގައި ހުންނަ މަރުވެފައިވާ ހަންތައް ފިލުވާލުން
  • މޫނުގެ ހައިޑްރޭޝަލް ލެވެލް ރަނގަޅުކުރުން
  • މޫނުގެ ޓެކްސްޗަރ ރަނގަޅުކުރުން
  • ބެދިފައިވާ ޕޯސްތައް ސާފުކުރުން
  • ލައްތައް ފިލުވާލުން

އެކްސްޕާޓުން ބުނާ ގޮތުގައި ފޭޝަލް ހަދަން އެންމެ ރަނގަޅު ވާނީ ކޮންމެ 4 ހަފްތާއަކާއި 6 ހަފްތާއާ ދެމެދު އެވެ. ހަންގަނޑުގެ އެންމެ މަތީ ފަށަލަައިގައި ހުންނަ ސެލްތައް ރަނގަޅަށް އުފެދެން މަދުވެގެން 4 ހަފްތާ ނަގާނެ އެވެ. އެހެންކަމުން މިއަށް ވުރެ އަވަސް އަވަހަށް ފޭޝަލް ހަދާނަމަ ހަންގަނޑު ހަލާކުވެދާނެ އެވެ.

ފޭޝަލް ހެދުމަށްފަހު ރަނގަޅު ސްކިން ކެއާ ރޫޓިންއެއް ގެންގުޅުމަކީ ވަރަށް މުހިއްމުކަމެވެ. އެހެންކަމުން ފެންވަރު ރަނގަޅު ކްލެންސާ އަކާއި، މޮއިސްޗަރައިޒާއަކާއި ސަންސްކީނެއް ބޭނުންކުރާ ނަމަ ފޭޝަލްގެ އަސަރު އަވަހަށް ފެންނާނެ އެވެ.