ނޫސްވެރިކަމަށް ހުރަސް އަޅަނީ ވެރީންގެ އަމަލުތައް ފޮރުވަން: ޝާހިދު
"ބާޒީގަރް"ގެ ދެވަނަ ބައެއް ނެރެނީ!
މަންޑޭގެ މުދާތައް ޝަރީއަތް ނިމެންދެން ހިފަހައްޓަން އަމުރުކޮށްފި
ބޮލީވުޑްގެ މަޝްހޫރު ބަތަލާ ދީޕިކާ ޕަޑުކޯންގެ ބިއުޓީ ބްރޭންޑް "82 ޑިގްރީ އީ"ގައި ބޭއްވި އިވެންޓަށް ލައިގެން ހުރި އަލިގަދަ ރީނދޫ ކުލައިގެ ހެދުން ވިއްކާލައިފި އެވެ.
ދީޕިކާ ވަނީ ދިޔަ ހޯމަ ދުވަހު "82 ޑިގްރީ އީ" ދައްކާލުމަށް ބޭއްވި އިވެންޓްގައި ލައިގެން ހުރި ހެދުން ވިއްކާލާ ވާހަކަ އޭނާގެ އިންސްޓަގްރާމްގައި ހިއްސާކޮށްފަ އެވެ.
ކުޑަ އިރުކޮޅެއްގެ ތެރޭގައި އެ ހެދުން 34،000 ރުޕީސް (ގާތްގަނޑަކަށް 409 ޑޮލަރު) އަށް ވިކުނުކަން ދީޕިކާ އިއުލާނު ކުރި އެވެ. މި ހެދުން ވިއްކަން ޖަހާފައި ވަނީ ވަނީ ޗެރިޓީއަށް "ފްރެޝް އޮފް ދަ ރެކް" އިނީޝިއޭޓިވްގެ ދަށުން އޭނާ މި ހެދުމުގައި ފެނުނުތާ 72 ގަޑިއިރު ފަހުންނެވެ.
ރިޕޯޓްތައް ބުނާ ގޮތުގައި މިހެދުން ވިއްކާލާފައި ވަނީ 20 މިނެޓް ތެރޭގައި އެވެ.
މިހެދުން ވިއްކާލައިގެން ލިބުނު ފައިސާ ވަނީ ނަފްސާނީ ސިއްހަތަށް ހޭލުންތެރިކުރުމުގެ ގޮތުން ދިޕީކާ އުފައްދާފައވާ ޖަމިއްޔާ ކަމަށްވާ "ލައިވް ލަވް ލާފް ފައުންޑޭޝަން" އަށް ވަނީ ހަދިޔާ ކޮށްފަ އެވެ.
ދީޕިކާގެ ބްރޭންޑް ދައްކާލުމަށް ބޭއްވި އިވެންޓެއްގެ އޭނާ ނަގާފައިވާ ރީތި ފޮޓޯތަކެއް ސޯޝަލްމީޑިއާގައި ހިއްސާކޮށް އެންމެންގެ ހިތް އަތުލާފަ އެވެ.
މި އަހަރުގެ ފެބްރުއަރީ މަހު ދީޕިކާ ބަނޑު ބޮޑުކަން އިއުލާން ކުރުމަށްފަހު މީޑިއާއަށް ނުފެނި ގިނަ ދުވަސްތަކަކަށް ފަހު ދީޕިކާ ފެނިފައިވަނީ އިންޑިއާގެ އިންތިހާބުގައި ވޯޓުލުމަށް ދިޔަ ދުވަހު އެވެ.
ދީޕިކާއާއި އޭނާގެ ސްޕަސްޓާ ފިރިމީހާ ރަންވީރު ސިންގްގެ ފުރަތަމަ ދަރިފުޅު އުފަންވާނެ ކަމަށް ބުނެފައިވަނީ މިއަަހަރުގެ ސެޕްޓެމްބަރު އެވެ.
ދީޕިކާ ކުރިއަށް ހުރި ފިލްމުތަކަށް ބަލާއިރު އެންމެ ފުރަތަމަ ޕްރިމިއާ ކުރާނެ ކަމަށް ބެލެވެނީ "ސިންގަމް އެގެއިން" އެވެ. މި ފިލްމުގައި ދީޕިކާއާ އެކު އޭނާގެ ފިރިމީހާ ރަންވީރާއި، އަކްޝޭ ކުމާރު، ޓައިގާ ޝްރޮފް، އަރްޖން ކަޕޫރު އަދި ކަރީނާ ކަޕޫރު ވެސް ފެނިގެންދާނެ އެވެ.
