އެންއެފްއެލް މެޗެއްގައި ބިޔޯންސޭގެ ހުށައެޅުމެއް!
ރައީސް ދޮންމާމާފުޅުގެ ރައްދު: އެއްވެސް ފައިސާއެއް، ބިމެއް ނުދޭ!
ހަނިމާދޫ ދާއިރާއަށް ކުރިމަތިލި ނަންތައް ނެތް މައްސަލައެއް!
ޔޫތު މިނިސްޓްރީގެ ބައެއް ސިޔާސީ މަގާމުތަކުގައި ތިއްބެވި ބޭފުޅުންނަށް އިށިންނާނެ ގޮނޑި، ބޭނުން ކުރާނެ ސިސްޓަމެއް އަދި އިންޓަނެޓް ވެސް ނުލިބޭ ކަމަށް ބުނެ ޝަކުވާކުރަން ފަށައިފި އެވެ.
ސޯޝަލް މީޑިއާގައި ދައުރުވަމުންދާ ޔޫތު މިނިސްޓްރީގެ ޕޮލިޓިކަލް އެޕޮއިންޓީސް ވަޓްސްއެޕް ގްރޫޕްގައި އެ ބޭފުޅުން ދަނީ އެކަމާ ވަރަށް ބޮޑަށް ހިތްހަމަނުޖެހުން ފާޅުކުރަމުންނެވެ.
މުވައްޒަފުން މަސައްކަތް ކުރާނެ މާހައުލެއް ގާއިމުވާން އެބަޖެހޭ ކަމަށާއި ހަމަސް ވެގެން ދިޔައިރު އިށިންނާނެ ގޮނޑިއެއް ނެތި އުޅުއްވާ ބޭފުޅުން މަދު ނޫން ކަމަށް އެ މިނިސްޓްރީގެ ސިޔާސީ މަގާމެއްގައި ހުންނަވާ އަހުމަދު އާތިފް ކިޔާ ބޭފުޅަކު އެ ގުރޫޕްގައި ލިޔުއްވާފައިވެ އެވެ.
މީގެ އިތުރުން އެ މިނިސްޓްރީގެ ދަށުން ހިންގާ އެންސީއޭގެ ސިޔާސީ ބޭފުޅުން ތިއްބަވާ ހަތަރުވަނަ ފަންގިފިލާގެ ހާލަތަކީ ގޮނޑިއެއް ނެތްތާ ފާހާނާއެއް ވެސް ނުހުންނައިރު, ފާހާނާކުރަން ދާން ޖެހެނީ ގެއަށް ކަމަށާއި ސިސްޓަމެއް ނެތުމާއި އަދި މަސައްކަތަށް ގެންދަން ޖެހެނީ އަމިއްލަ ލެޕްޓޮޕް ކަމަށް އެހެން ބޭފުޅަކު ވިދާޅުވެފައިވެ އެވެ. އަދި އިންޓަނެޓް ހިދުމަތް ވެސް އެތަނަށް ނުލިބޭ ކަމަށާއި ކަރަންޓަށް ގުޅަންޏާ އަމިއްލަ ވާގަނޑު ގެންދަން ޖެހޭ ކަމަށް ވެސް އޭނާ ވިދާޅުވި އެވެ.
އެތާނގައި މިހާރު ވެސް ތިން ސީނިއާ ޕޮލިޓިކަލް ޑިރެކްޓަރުންނަށް ގޮނޑިއާއި މޭޒު ނެތް ކަމަށް ވެސް އޭނާ ލިޔުއްވި ހަތް ނުކުތާގެ ލިސްޓުގައިވެ އެވެ.
"އަޅުގަނޑަށް ހީވަނީ މިތަނުގައި ދެވަނަ ދަރަޖައެއްގެ ސިޔާސީ ބޭފުޅުން ނޫޅުއްވާހެން. އެއްބަޔަކު ކެބިން ނަންގަވައިގެ އަނެއް ބަޔަކު ސިޑިބަރީ ބެންޗްގައި އުޅެން މިޖެހެނީ،" އާތިފް ގްރޫޕްގައި ވިދާޅުވި އެވެ.
ސިޔާސީ ބޭފުޅުންގެ މެދުގައި ތަފާތުކުރުން ގެންގުޅުއްވާކަމަށް ވެސް އެ ގްރޫޕްގައި ބައެއް ބޭފުޅުން ފާހަގަ ކުރައްވާފައިވެ އެވެ. އެގޮތުން ހަމައެކަނި ޑެޕިއުޓީ މިނިސްޓަރު އަސީލު ހުރިހާ ކަމެއްގައި ބައިވެރި ކުރައްވާ ކަމަށް ތުހުމަތުކޮށްފައިވެ އެވެ.
"ވަކި މީހަކު ތިމާމީ މާ ގަދަ މީހެއްކަމަށް ދައްކަން އުޅުނީމަ ވެސް ކަމަކު ނުދޭ. އެންމެނަށް ވެސް ފުރުސަތު އޮންނަންވާނެ،" އަހުމަދު ނިޒާމް ކިޔާ ބޭފުޅަކު އެ ގްރޫޕްގައި ވިދާޅުވި އެވެ.
ޔޫތު މިނިސްޓްރީގެ ސިޔާސީ މުވައްޒަފުންގެ އަދަދު 70 އަށް ވުރެ މަތިކަމަށްވެ އެވެ. ސިޔާސީ މަގާމުތަކުގައި ތިއްބެވި ބޭފުޅުންގެ އަދަދު ސަރުކާރުން ވަނީ ސިއްރު ކޮށްފަ އެވެ. ސީނިއާ ޕޮލިޓިކަލް ޑިރެކްޓަރުންނާއި ޕޮލިޓިކަލް ޑިރެކްޓަރުން ވެސް އެހެން މިނިސްޓްރީތަކަށް ވުރެ ޔޫތު މިނިސްޓްރީގައި ވަރަށް ގިނަ ކަމަށް މައުލޫމާތު ލިބެ އެވެ. ޔޫތު މިނިސްޓްރީގެ ތިން ޑެޕިއުޓީ މިނިސްޓަރަކު މުސާރަ ލިބޭ ގޮތަށް ސަސްޕެންޑް ކޮށްފައި ވެސް އެބަ ތިއްބެވި އެވެ.
ސަރުކާރުން ބެލުމެއްނެތި ސިޔާސީ މަގާމުތަކަށް މީހުން ނަގަމުންދާއިރު، ގިނަ މިނިސްޓްރީތަކުގައި އެބޭފުޅުން އިށިންނާނެ ގޮނޑި ނެތް ކަމަށްވެ އެވެ.
ކަލޭމެން ނެތް ނަމަ ގައުމަށް މާރަގަޅުވީހެވެ. މުއިޒުވެސް ހުންނާނީ މިހާރު ކަލޭމެނަށް މަގާމު ދެވުނީތީ ބޯހަލާކުވެފައެވެ. ގެޔަށް ކަނޑާލާށެވެ. ތިޔައީ ކާންބޯން ނުލިބިފަތިބި ކޮންމަސްތަކެއްކަހަލަ ބަޔެކެވެ. އަދި އެބަ އަނގަތަޅާނޫން ހެއްޔެވެ.
މުސަަރަ ލިބޭކަމަށް ސުކުރު ކޮށްބަލަ! ތިޔައީ ވަޒީފާއެއް ދޭންޖެހިގެން ދީފަ ތިބިބައެކޭ! ގޮޑި މޭޒު ނެތީ ތިޔައީ އޮފީހަށް ބޭނުން ބަޔެއް ނޫންވީމައޭ! ތިޔައީ ގައުމަށް ދައުލަތަށް ޖެހިފައޮތް ބޮޑު ބުރައެކޭ!
ކަމެއް ނުކޮށް މުސާރަ ކެވޭނޫންތޯ. މުއައްޒް އަކީ ކިހާ ހެޔޮ ބޭފުޅެއްތޯ އެވެ. ރައްޔިތުން ގަރުދިޔަ ބަތް ކައިގެން ސައިޒްގައި ބައިތިއްބާފައި ހަބޭހަށް ބޭނުންހާ އަދަދެއް މިގޮތައް އެކޮށްލަނީއެވެ. ދީނީ ގޮތުން ކިހާފުރިހަމަދޯ. ކޮބާ ޝަހީމޫ
ގޮނޑިއެއް މޭޒެއް ކުރާނެ މަސައްކަތެއް ނެތަސް ތިޔަ ބައިގަނޑުވެސް ބޮޑުމުސާރަހޯދަން ރައްޔިތުންގެ ފައިސާ ހުސްކުރަން މަގާމު ހޯދައިގެން ތިބެން އެއްބަސްވީނު.
މިގޭގާ ބޭނުންނުކުރާ އޮފީސްގޮނޑިއަކާއި ކާމޭޒު ގޮނޑިއަކާއި ކުޑަކުދިން ކިޔަވަން ބޭނުންކުރާ އެއްތެއޮފުރި ގޮންޑިއެއް އެބަހުރި ކުޑައަގަކައް ލިބިދާނެ