ލަންޑަނުން ނިއުޔޯކްއަށް 30 މިނެޓުން ދެވިދާނެ: އިލަން މަސްކް
ލޯބިވެރިޔާ ބްލެކްމެއިލް ކުރި ފުލުހަކު ހައްޔަރުކޮށްފި
ބަންކަރިންގެ ހިދުމަތަށް އެމްޕީއެލް އިން ބާޖެއް
ނ. ހެނބަދޫގައި ދެ ފުލުހެއްގެ ސައިކަލަށް ގެއްލުންދީ އެއް ސައިކަލްގައި ރޯކޮށްލައިފި އެވެ.
ފުލުހުން ބުނީ ހެނބަދޫގައި ފުލުހެއްގެ ސައިކަލަށް އޮގަސްޓު 1 ވަނަ ދުވަހު ގެއްލުންދީފައިވާ ކަމަށެވެ. މީގެ އިތުރުން ފުލުހެއްގެ ސައިކަލުގައި ރޭ ދަންވަރު ރޯކޮށްލާފައިވާ ކަމަށެވެ.
މިކަމަކީ ނ. އަތޮޅުގައި ފުލުހުން ހިންގަމުންދާ މަސްތުވާތަކެތީގެ އޮޕަރޭޝަނަކާއި ދެކޮޅަށް އެކަމުގައި ތުހުމަތު ކުރެވޭ ބަޔަކު ކޮށްފައިވާ ކަމެއްކަމަށް ތުހުމަތުކުރެވޭ ކަމަށް ވެސް ފުލުހުންގެ ތަރުޖަމާނު އަހުމަދު ޝިފާން ވިދާޅުވި އެވެ.
"މިފަދަ ފިނޑި އަމަލެއްގެ ސަބަބުން ފުލުހުންގެ ހިތްވަރާއި ސާބިތުކަމަށް ކުޑަވެސް ބަދަލެއް ނާންނާނެ ކަން މިފަދަ ވިސްނުމުގައި އަމަލުކުރަމުންދާ ފަރާތްތަކަށް ހަނދާންކޮށްދެން،" ޝިފާން ވިދާޅުވި އެވެ.
ފާއިތުވި ހަފްތާގައި ފުލުހުންނާއި ކަސްޓަމްސްއިން ވަނީ 15 ކިލޯ އަށްވުރެ ގިނަ މަސްތުވާތަކެތި ވެލާނާ އިންޓަނޭޝަނަލް އެއާޕޯޓް (ވީއައިއޭއިން) އިން އަތުލައިގަނެ ދެމީހަކު ހައްޔަރުކޮށްފަ އެވެ.
