އޮގަސްޓް އެއްވަނަ ދުވަހު ނ. ހެނބަދޫގައި ފުލުހެއްގެ ސައިކަލަކަށް ގެއްލުން ދިނުމަށްފަހު އެދުވަހުގެ ރޭ އިތުރު ފުލުހެއްގެ ސައިކަލްގައި ރޯކޮށްލި މައްސަލާގައި ހެނބަދޫއަށް ނިސްބަތްވާ ދެ މީހަކު ހައްޔަރުކޮށްފި އެވެ.

ފުލުހުންގެ ތަރުޖަމާނު އަހުމަދު ޝިފާން މިއަދު ވިދާޅުވީ މި މައްސަލައިގެ ތަހުގީގަށް ނ. ހެނބަދޫ އަށް ނިސްބަތްވާ 33 އަހަރުގެ 2 ފިރިހެނުން، ކޯޓު އަމުރެއްގެ ދަށުން، މިއަދު ހައްޔަރުކޮށްފައިވާ ކަމަށެވެ.

މިކަމަކީ ނ. އަތޮޅުގައި ފުލުހުން ހިންގަމުންދާ މަސްތުވާތަކެތީގެ އޮޕަރޭޝަނަކާއި ދެކޮޅަށް އެކަމުގައި ތުހުމަތު ކުރެވޭ ބަޔަކު ކޮށްފައިވާ ކަމެއްކަމަށް ތުހުމަތުކުރެވޭ ކަމަށް ފުލުހުން ބުނެފައިވެ އެވެ.