ހޮލީވުޑްގެ ތަރި އެމީ ޖެކްސަންއާއި އޭނާގެ ފިރިމީހާ އެޑް ވެސްޓްވިކްއަށް އަލަތު ދަރިފުޅު ލިބެން އުޅޭކަން އެ ދެމަފިރިން އިއުލާން ކޮށްފި އެވެ.

މިކަން އިއުލާން ކޮށްފައިވަނީ އެ ދެމީހުންގެ ސޯޝަލް މީޑިއާގައި ހިއްސާކޮށްފައިވާ ޕްރެގްނެންސީ ފޮޓޯޝޫޓެއްގެ ފޮޓޯތައް ހިއްސާ ކުރަމުންނެވެ.

ކައިވެނި ކުރިތާ ދެމަސް ފަހުން އަލަތު ދަރިފުޅު ލިބެން އުޅޭކަން އެ ދެމީހުން އިއުލާން ކުރިއިރު ގިނަ ބަޔަކު އަންނަނީ އެ ދެ ތަރިންނަށް މަރުހަބާ ކިޔަމުންނެވެ.

މިއީ އެޑްއާއި އެމީގެ އަލަތު ދަރިފުޅު ނަމަވެސް އެމީއަކީ މިހާރުވެސް ފަސް އަހަރުގެ ފިރިހެން ކުއްޖެއްގެ މަންމަ އެކެވެ. އެއީ އޭނާގެ ފުރަތަމަ ކައިވެނިން ލިބުނު ދަރި އެކެވެ.

އެ ދެމީހުން ކައިވެނި ކޮށްފައިވަނީ މިދިޔަ އޮގަސްޓް މަހުގެ ތެރޭގައި އިޓަލީގައި ބޭއްވި ހަފްލާއެއްގަ އެވެ. އެ ހަފްލާގެ ފޮޓޯތައް ވެސް ސޯޝަލް މީޑިއާގައި އާއްމުކޮށްފައިވެ އެވެ.

2022 ވަނަ އަހަރު ލޯބީގެ ގޮތުން ގުޅުނު އެޑްއާއި އެމީ ވަނީ ރައްޓެހިވިތާ ދެ އަހަރު ފަހުން ކައިވެނިކޮށްފަ އެވެ. އޭގެ ދެ މަސް ފަހުން އަލަތު ދަރިފުޅަށް ބަލިވެ އިން ފޮޓޯތަކެއް އާއްމު ކުރުމުން ކައިވެނި ކުރިއިރު ވެސް އެމީ ބަނޑުބޮޑުކަން އެނގެ އެވެ.