ޖިންސީ ފުރައްސާރައާއި އޮރިޔާން ކާޑު ގެންގުޅުމުގެ ތުހުމަތުގައި ދައުވާ އުފުލި ޝަރީއަތަށް އިންތިޒާރު ކުރަމުން އަންނަ ރެޕް ލަވަކިޔުންތެރިޔާ ޑިޑީ ކަފާލާތުގެ ދަށުން މިނިވަން ވުމަށް 50 މިލިއަން ޑޮލަރު ހުށައަޅައިފި އެވެ.

ޝަރީއަތް ނިމެންދެން ޖަލުގައި ބަންދު ކޮށްފައި ހުރި ޑިޑީ ވަނީ ފްލޮރިޑާގައި ހުންނަ އޭނާގެ ގެ ހިމެނޭ ގޮތަށް 50 މިލިއަންގެ "ބެއިލް ޕެކޭޖެއް" ހުށައަޅާފަ އެވެ.

ޑިޑީ މި ހުށައެޅުން ހުށައަޅާފައިވަނީ ކަފާލާތުގެ ދަށުން މިނިވަން ކޮށްދިނުމަށް އެތައް ފަހަރެއް މަތިން އެދި ހުށައެޅި ހުށައެޅުން ކޯޓުން އަނބުރާ ފޮނުވާލާފައި ވަނިކޮށެވެ.

މީގެ އިތުރުން ވެސް ޑިޑީގެ އެއްވެސް ކުށެއް ނެތްކަން ސާބިތުވާނެ ފަދަ ހެކިތަކެއް އޭނާގެ ވަކީލުންނަށް ލިބިފައިވާ ކަމަށް ވެސް ހަބަރުތައް ބުނެ އެވެ.

އެއާއެކު ހެކި ހިމާޔަތް ކުރުމުގެ ގޮތުން މައްސަލައިގައި ހުށައެޅިފައިވާ ހުރިހާ ހެކިން ކޯޓުން ބޭރުގައި އެ މައްސަލައިގެ ވާހަކަ ނުދައްކަން އަމުރަކަށް ވެސް ޑިޑީގެ ވަކީލުން ވަނީ އެދިފަ އެވެ.

13 އަހަރުގެ ކުއްޖަކަށް ޖިންސީ ފުރައްސާރަކޮށް އޮރިޔާން ކާޑު ގެންގުޅުމުގެ ތުހުމަތު ޑިޑީއަށް ކުރެވޭއިރު އޭނާ މިހާރު ވަނީ ހޮލީވުޑްގައި ވަރަށް އެކަހެރި ކުރެވިފަ އެވެ.