ގިނަ ބައެއްގެ ސަމާލުކަން ހުއްޓުނު ބ. ކަމަދޫއަށް ނިސްބަތްވާ އާމިނަތު ޒާރާ އާއި މަޝްހޫރު ވިޔަފާރިވެރިޔާ އަދި ދ. މީދޫ ދާއިރާގެ މަޖްލިސް މެމްބަރު އަހުމަދު ސިޔާމް މުހައްމަދުގެ ކައިވެނީގެ ހަފްލާގައި ދައްކާލި "ދަތުރޭ ފަށާމީ މާ އަމާން" ލަވަ ޔޫޓިއުބުގައި ލޯންޗްކޮށްފި އެވެ.
އެ ކައިވެނީގެ ރަން ކިޔުމުގެ ހަފްލާއަށް ހާއްސަކޮށް ޒާރާގެ އަޑުން ކިޔައި، ތައްޔާރުކުރި ލަވައިން ފެނިގެން ދަނީ ޒާރާ އާއި ސިޔާމް ދިވެހިވަންތަ ހެދުމެއްގައި ދިވެހި ސަގާފަތް ދައްކުވައިދޭ މަންޒަރުތަކެވެ.
ރީތި ހުދު ދިވެހި ލިބާހެއް ލައިގެން ހުރި ޒާރާ ގޮސް ސިޔާމް އަރިހުގައި އުނދޯލީގައި އިށީނދެލާ މަންޒަރު ފެނިގެން ދާއިރު، ދެމަފިރިން އަސް ދުއްވާ މަންޒަރު ވެސް ލަވައިން ފެނިގެން ދެ އެވެ. މި މަންޒަރުތައް ނަގާފައި ވަނީ ސިޔާމްގެ އޮޅުވެލި ރިސޯޓުގަ އާއި ޒާރާގެ އުފަން ރަށް ކަމަދޫގަ އެވެ.
މިދިޔަ މަހު ކުލަގަދަ ހަފްލާތަކާއެކު ޒާރާ އާއި ސިޔާމްގެ ކައިވެނި ޕާޓީ ވަނީ ބާއްވާފަ އެވެ. އުމުރުން 35 އަހަރުގެ ތަފާތު ހުރި ނަމަވެސް މި ޖޯޑަކީ ގިނަބައެއްގެ މަގުބޫލު ޖޯޑަކަށް ވަނީ ވެފަ އެވެ.
ޒާރާ މަޝްހޫރުވެގެން ދިޔައީ މި އަހަރުގެ ބޮޑު އީދު ތެރޭގައި އޭނާގެ އުފަން ރަށުގައި ބޭއްވި އީދު ކުޅިވަރުތަކުގައި ހުށަހަޅާދީފައިވާ ނެށުމުގެ ހަރަކާތްތަކުންނެވެ. އޭގެ ދުވަސްކޮޅެއްފަހުން ޒާރާ ވަނީ ވިޔަފާރިވެރިޔާ ސިޔާމްއާ ކައިވެނިކުރުމަށް ނިންމާފަ އެެވެ.
ތިޔާ ހީވަނީ ކުރުވާހަކަ އެއް ކިޔާހެނޭ ވޯކަލް ރޭންޖް އެހާދަށޭ އަޑުގެ ޕިޗް ވަރަށް ދަށް އެއް ލެވެލްގައި ހުންނަނީ ޕިޗް ޕެލެވް ސުމަކަށް ވުރެން ދަށޭ ދެން މިއުޒިކް ވެސް ވަރަށް ފަގީރު ތިފަދަ ބޮޑެތި މަހުޖަނުންގެ ތިޔާފަދަ ކަންކަން ހުންނަންވާނީ ވަރަށް އާރުލާ ގޮތަށް ރާއްޖޭގެ މައިކަލް ޖެކްސަން ގޮތަށް ތިޔާ ގޮތަށް ނެރޭ ލަވަ އެއް ތްރިއްލާ ގޮތަށް ވަގުތުން ހިޓަކަށް ވާން ޖެހޭނެއޭ މަމެން ތިޔާ ވައްތަރު ލަވަ އެއްގޮތަކަށް ވެސް އަޑުނާހަމޭ ހިންދީ ލަވަތައް ކޮޕީ ކޮށްގެން ކިޔާ ލަވަތައް އެއީ މަމެން ކިޔާ ގޮތުން ނަމަ