މާދަމާ އެއާޕޯޓުގައި ބާރުބޮޑުވާނެތީ އަވަހަށް ފުރަންދާން އެދިއްޖެ
މިހާރު ކުރަމުންދާ ވިއްސާރަ އަލިކުރާނީ ހޮނިހިރުގެ ފަހުން
މަރުވި ނޭޕާލް އަންހެނެއްގެ ހަށިގަނޑާ ހަވާލުވާނެ މީހަކު ނުވި
މިދިޔަ 2024 ވަނަ އަހަރަކީ ވެސް ފެޝަންގެ ދާއިރާއިން ތަފާތު ކަންތައްތަކެއް ފެނުނު އަހަރެކެވެ. އެކި ފެޝަން ޓްރެންޑްތައް ތައާރަފްވެ ބައެއް ޓްރެންޑްތައް ވަނީ ބާ ވެސްވެފަ އެވެ.
ދެން އޮތީ އާ އަހަރުގެ ވާހަކަ އެވެ. މި ފެށުނު އަހަރުގައި ވެސް ފެޝަންގެ ދާއިރާއިން ތަފާތު ޓްރެންޑްތަކެއް ފެންނާނެ ކަމަށް މާހިރުން ބުނެ އެވެ. އެފަދަ ބައެއް ޓްރެންޑްތަކަށް ބަލާލާނަމެވެ.
ސުއީޑް ފޮތި
ސުއީޑް ފޮއްޗަކީ 90ގެ އަހަރުތަކުގައި އާއްމުކޮށް ފެނުނު ފޮއްޗެކެވެ. މެދުކެނޑުމަކަށްފަހު އަލުން މި މެޓީރިއަލްގެ މަގުބޫލުކަން ބޮޑުވާނެ މާހިރުން ލަފާކުރެ އެވެ. އޭގެ ތެރޭގައި ހެދުމާއި އެއާއެކު ބޭނުންކުރާ ދަބަސް، ބޫޓު ފަދަ "އެކްސަސޮރީޒް" ވެސް ހިމެނެ އެވެ.
އެންމެ މަގުބޫލު ކުލައަކަށް ރީނދޫ ކުލަ
ރީނދޫއަކީ ފެށުނީއްސުރެ ހެދުން އެޅުމުގައި އާއްމުކޮށް ބޭނުން ކުރެވޭ ކުލަ އެކެވެ. އެގޮތުން މިއަހަރު ވެސް ހެދުންތަކުގައި އެންމެ ގިނައިން ބޭނުން ކުރެވޭނެ ކަމަށް ބެލެވެނީ ރީނދޫ ކުލައިގެ އެކި "ޝޭޑް" ތަކެވެ.
އެނިމަލް ޕްރިންޓް
ލެޕާޑް ޕްރިންޓް ފަދަ ޖަނަވާރުންގެ ހަމުގައި ހުންނަ މަންޒަރު ޖެހި ފޮއްޗަކީ މީގެ ކުރިން ވެސް ވަރަށް މަގުބޫލުވި ފެޝަނެކެވެ. އެ ޓްރެންޑް 2025 ވަނަ އަހަރު އަލުން ވައިގައި ހިފާނެ ކަމަށް ފެޝަންގެ މާހިރުން ލަފާކުރެ އެވެ.
މޫދާ ގުޅުންހުރި ތީމްތައް
މޫދާއި ކަނޑުގެ ދިރުންތަކުގެ މަންޒަރުތަކާއި ކުލަތައް ބޭނުންކޮށްގެން ހެދުން ޑިޒައިން ކުރުމަކީ ވެސް މި އަހަރު ފެށޭނެ ކަމެއް ކަމުގައި ބުނެވެ އެވެ.
އެއްފައިކުރި ހެދުންތަކާއި ބެލްސް
އެއްފައިކުރި ލާފައި ހުންނަ ބެލްސްތަކާއި އެއް ފައި ފެންނަ ގޮތަށް ފަހާފައި ހުންނަ "ސްލިޓް" ހެދުންތަކަކީ މިއަހަރު އެންމެ ހިނގާނެ ކަމަށް ބެލެވޭ އެއް ޓްރެންޑެވެ.
