ޓިމޮތީއާއި ކައިލީގެ ގުޅުމާ ބެހޭގޮތުން ޓިމޮތީ ބުނީ ކީކޭ؟
ކިއާރާއަށް ހޮސްޕިޓަލުގައި ފަރުވާ ދީފި
ވީއައޭގައި ޓެކްސީއަކާއި ޕިކަޕެއް ޖެހި އެކްސިޑެންޓެއް ހިނގައިފި
ގުޑުގުޑާ ދޫނި (ފްލެމިންގޯ) މި އަހަރުވެސް ރާއްޖެއަށް ޒިޔާރަތް ކުރަން ފަށައިފި އެވެ.
މިފަހަރުވެސް ދޫނިތަކުގެ ފުރަތަމަ މަންޒިލަކަށް ވެފައިވަނީ ހދ. ކުޅުދުއްފުށީގެ މަށި ކުޅި އެވެ.
އިރުވައި މޫސުމާއެކު ގުޑުގުޑާ ދޫނިތައް ހިޖުރަކުރާ ދުވަސްވަރު، ރާއްޖެއަށް ވެސް ޒިޔާރަތް ކުރެ އެވެ.
އިއްޔެ ހެނދުނު ކުޅުދުއްފުށީ ކުޅިއަށް ޖައްސާފައިވަނީ ފަސް ފްލެމިންގޯ ކަމަށް އެ ރަށުން ވާހަކަ ދެއްކި މީހަކު ބުނެފައިވެ އެވެ. މިހާރަކަށް އައިސް ކޮންމެ އަހަރަކުވެސް ފްލެމިންގޯ ރާއްޖޭގެ ބައެއް ރަށްރަށަށް ތިރިކުރެ އެވެ. މި ދޫނިތަށް ބެލުމަށް އިއްޔެ ކުޅުދުއްފުށީގެ ކުދިބޮޑު ގިނަ ބަޔަކު ވަނީ ނުކުމެފަ އެވެ. ފްލެމިންގޯތަކުގެ ފޮޓޯތަކަށް ގިނަ ބައެއްގެ ސަމާލުކަން ވަނީ ހުއްޓިފަ އެވެ.
މާކަނާ އާއިލާއަށް ނިސްބަތްވާ ފްލެމިންގޯ މިދިޔަ އަހަރުގެ އިރުވައި މޫސުމާ ދިމާކޮށްވެސް ކުޅުދުއްފުށީ ކުޅިއަށް ޒިޔާރަތް ކުރި އެވެ. ކުޅުދުއްފުށީގެ އިތުރުން ށ.ފުނަދޫ ކުޅިއަށްވެސް މިދިޔަ އަހަރު ފްލެމިންގޯ ވަނީ ގޮސްފަ އެވެ. އެސޮރުމެން އާއްމުކޮށް ހިޖުރަކުރުމުގެ ދަތުރުގައި މަންޒިލްތަކުގައި މަޑުކޮށްލާނީ ގާތްގަނޑަކަށް ހަފްތާއެއްހާ ދުވަހު އެވެ.
ފްލެމިންގޯއަކީ ރާއްޖޭގައި ހިމާޔަތްކޮށްފައިވާ ދޫންޏެކެވެ. މި ދޫނިތައް ހިފުމާއި ވިއްކުމާއި ގަތުމަކީ ޤާނޫނީ ގޮތުން މަނާ ކަމެކެވެ.
