މޯލްޑިވިއަން ހިންގާ ކުންފުނި އައިލެންޑް އޭވިއޭޝަން ސާވިސަސް (އައިއޭއެސްއެލް)ގެ ޗެއާމަނަކަށް ސްޓޭޓް މިނިސްޓަރު އަހުމަދު ޝަފީއު އައްޔަނުކުރައްވައިފި އެވެ.

މިކަން ހާމަކޮށްފައިވަނީ އައިލެންޑް އޭވިއޭޝަނުން މިއަދު ޝަފީއު އެ މަގާމަށް އައްޔަން ކުރުމާއި ގުޅިގެން މަރުހަބާ ކިޔައި ކުރި ޕޯސްޓުންނެވެ.

މީގެ ކުރިން އެ މަގާމުގައި ހުންނެވީ، މިދިޔަ އަހަރުގެ ޖެނުއަރީ 9ގައި އެ މަގާމަށް އައްޔަނުކުރެއްވި، އެ ކުންފުނީގެ މެނޭޖިން ޑިރެކްޓަރުކަން ވެސް ކުރައްވާފައިވާ މުހައްމަދު މިހާދެވެ.

މި ވަގުތު އައިލެންޑް އޭވިއޭޝަންގެ ބޯޑުގައި އިތުރު ފަސް މެންބަރުން އެބަތިއްބެވެ. އެއީ:

އެގްޒެކެޓިވް ޑިރެކްޓަރު - އިބްރާހީމް އިޔާސް

ޑެޕިއުޓީ މެނޭޖިން ޑިރެކްޓަރު - އަލީ ސަލީމް

ނޮން އެގްޒެކެޓިވް ޑިރެކްޓަރު - އަބްދުﷲ ސައީދު

ނޮން އެގްޒެކެޓިވް ޑިރެކްޓަރު - މުހައްމަދު ހައްސާން

ނޮން އެގްޒެކެޓިވް ޑިރެކްޓަރު - އަހުމަދު އަބޫބަކުރު

މިހާރުވެސް ހަޔާ އެޑިއުކޭޝަންގެ ސްޓޭޓް މިނިސްޓަރު ކަމުގެ މަގާމުގައި ހުންނެވި ޝަފީއު އަކީ ކުރީގެ ރައީސް އަބްދުﷲ ޔާމީސް އަބްދުލްގައްޔޫމުގެ ވެރިކަމުގައިވެސް އައިލެންޑް އޭވިއޭޝަންގެ ޗެއާމަންކަން ކުރައްވާފައިވާ ބޭފުޅެކެވެ. އޭގެ އިތުރުން ކުރީގެ ރައީސް މުހައްމަދު ވަހީދުގެ ދައުރުގައި ފިޝަރީޒް މިނިސްޓަރުކަންވެސް ޝަފީއުވަނީ ކުރައްވާފަ އެވެ.