ދުނިޔޭގެ އެންމެ ދިގު ދޫ ހުރި އަންހެނާ ދުލުން ޖެންގާ ކުޅެ ދައްކާލައިފި އެވެ.

ކެލިފޯނިއާގެ 34 އަހަރުގެ ޝެނަލް ޓެޕަރ އަކީ މިހާތަނަށް މުޅި ދުނިޔޭގެ އެންމެ ދިގު ދޫ ހުރި އަންހެނާގެ ގޮތުގައި ގިނަސް ވޯލްޑް ރެކޯޑް ހިފަހައްޓާ މީހާ އެވެ. އޭނާ ވަނީ ދާދި ފަހުން އޭނާގެ 3.8 އިންޗި ދިގު ދޫ ބޭނުންކޮށްގެން ޖެންގާ ކުޅެ ދައްކާލާފަ އެވެ.

ޓެޕާ ވަނީ އޭނާގެ ދުލުން ކުރަން ދަސްކޮށްފައިވާ އެހެން ހުނަރުތަކެއް ވެސް ދައްކާލައިފަ އެވެ. މީގެ ތެރޭގައި ޕްލާސްޓިކް ތަށިތައް ޖަހައިލުމާއި، އަދި ސަމުސާ ހިފެހެއްޓުން ހިމެނެ އެވެ.

https://www.youtube.com/watch?v=5npQrN55jTs

2010 އިން ފެށިގެން އެންމެ ދިގު ދޫ (އަންހެން) ގެ ގިނަސް ވޯލްޑް ރެކޯޑް ހިފަހައްޓާފައިވާ ޓެޕާ ބުނެފައި ވަނީ، އޭނާގެ ދޫ ދެކޭ މީހުންގެ ކިބައިން ތަފާތު ރިއެކްޝަންތައް ލިބޭ ކަމަށެވެ.

"އަހަރެންގެ ދޫ ފެނުނީމަ މީހުން ވަރަށް ބިރުގަނޭ. އަހަރެންނަށް ވަރަށް މަޖާ އެގޮތަށް އެމީހުން ރިއެކްޓު ކުރީމަ. އެއީ އަހަރެންނަށް ހިނި އާދޭ އެގޮތަށް މީހުން އަހަރެންގެ ދުލަށް ބަލާފަ ރިއެކްޓު ކުރާތީ،" ޓެޕާ، ގިނިސް އަށް ބުނެފައިވެ އެވެ.

އޭނާ ބުނިގޮތުގައި މި ރެކޯޑުގެ ސަބަބުން އޭނައަށް އެތަކެއް މަންފާއެއް ލިބެ އެވެ. އެކަމާއި އޭނާ އުފާވާ ކަމަށާއި، މިފަހުން ވެސް އޭނާއަށް އިޓަލީގެ ފެޝަން ބްރޭންޑް ޑީސަލްގެ އިޝްތިހާރު ކެމްޕޭނެއްގައި ބައިވެރިވުމުގެ ފުރުސަތު ލިބިފައިވާ ކަމަށް އޭނާ ބުނެފައިވެ އެވެ.