އެމެރިކާގެ މީހަކު ދުނިޔޭގެ ރިކޯޑު ހޯދުމަށް 24 ގަޑިއިރު ތެރޭގައި 10،001 ޕުލްއަޕް ހަދައިފި އެވެ.

ޓްރުއެޓް ހޭންސް ނަމަކަށް ކިޔާ މި މީހާ އަކީ ދުނިޔޭގައި އެއްދުވަހުން އެންމެ ގިނަ ޕުލް އަޕް ހެދި މީހާ އެވެ. އޭނާ އަނބުރައި އެ ރިކޯޑު ހޯދާފައިވަނީ އޭނާއަށް ފަހު އެހެން މީހަކު އެ ރިކޯޑު ހޯދި ފަހުންނެވެ.

ޓްރުއެޓް ހޭންސް ކުރިން މި ރެކޯޑު ހޯދަން މަސައްކަތްކުރީ ގާތްގަނޑަކަށް ދެ އަހަރު ކުރިންނެވެ. އަދި އޭނާ ކަނޑައެޅިފައިވާ ވަގުތުގެ ތެރޭގައި 8،100 ޕުލްއަޕް ކޮށްގެން ކާމިޔާބުކަމާއެކު އެ ރެކޯޑު ބަދަލުކުރި އެވެ.

ނަމަވެސް އޭނާގެ މި އަދަދު އެއް ދުވަހަށްވުރެ ކުރު މުއްދަތެއްގެ ތެރޭގައި އޮސްޓްރޭލިއާގެ ގެރީ ލޮއިޑް އިތުރު 8،600 ޕުލްއަޕް 24 ގަޑިއިރުގެ ތެރޭގައި ކޮށްގެން ބަދަލުކުރި އެވެ. މިހާރު ހޭންސް ވަނީ 24 ގަޑިއިރުގެ ތެރޭގައި 10،001 ޕުލްއަޕް ކޮށްގެން އަލުން އެ މަޤާމު ހޯދައިފަ އެވެ.

https://www.youtube.com/watch?v=fNBHzsFUjsk&t=1s
އަޅުގަނޑު އަމިއްލަ ނަފްސާ ބެހޭގޮތުން ދަސްވިކަމަކީ، އަޅުގަނޑު ދޫކޮށްނުލާނެކަން. އަޅުގަނޑަކީ ޚާއްޞަ ޤާބިލުކަމެއް ނުވަތަ ސުޕަރ ބާރެއް ލިބިފައިވާ މީހެއް ނޫން. އަދި އެއްވެސް ކަމެއް އަޅުގަނޑަށް ފަސޭހައިން ލިބިފައެއް ނުވޭ. ނަމަވެސް އަޅުގަނޑުގެ ލަނޑުދަނޑިތައް ދޫކޮށް ނުލުމުގެ ޤާބިލުކަން އަޅުގަނޑަށް ލިބިފައިވޭ.
ޓްރުއެޓް ހާންސް

އޭނާ ބުންޏެވެ.

ހާންސް ބުނީ، އޭނާ ކަމެއް ނިންމުމަށް އަހަރުތަކެއް ނަގާކަމުގައިވިޔަސް، އެކަން ފުރިހަމަވަންދެން އޭނާ ކުރިއަށް ދާނެކަމަށެވެ.