ބޮލީވުޑްގެ މަޝްހޫރު ތަރި ސައިފް އަލީ ޚާންގެ ފިރިހެން ދަރިފުޅު އިބްރާހީމް އަލީ ޚާންއަށް އެހީވާން ޖެހޭ ކަމަށް ގަބޫލުނުކުރާ ކަމަށް ސައިފް ބުނެފި އެވެ.

ސޯހާ އަލީ ޚާންގެ ޔޫޓިއުބް ޗެނަލްއަށް ދިން އިންޓަވިއުއެއްގައި ސައިފް ބުނީ އެ މީހުންގެ އާއިލީ ގުޅުންތަކުގެ ސަބަބުން އިބްރާހިމްއާއި ސާރާއަށް ފުރުސަތުތައް ލިބުމަކީ ނާއިންސާފެއް ކަމަށެވެ.

އެއާއެކު އިބްރާހީމްގެ ބޮލީވުޑް ދަތުރުގައި އޭނާގެ އަތުގައި ހިފައިގެން ހިނގަން ޖެހޭ ކަމަށް ގަބޫލު ނުކުރާ ކަމަށް ވެސް ސައިފް ބުނެފައިވެ އެވެ.

އެގޮތުން އެއްވެސް މީހެއްގެ ހިޔަނީގައި ނުހުރެ އަމިއްލަ މަސައްކަތުން ކާމިޔާބު ހޯދުމަކީ މާ މާނަފުން ކާމިޔާބީއެއްގެ ގޮތުގައި ސައިފް ސިފަކުރި އެވެ.

ސައިފްގެ ދެ ދަރިން ކަމަށްވާ އިބްރާހީމްއާއި ސާރާ ވެސް ބޮލީވުޑަށް ނުކުމެފައިވާއިރު އެ މީހުންނަކީ އެ އާއިލާއިން ބޮލީވުޑަށް ތައާރަފްވި ތިންވަނަ ޖީލެވެ.

ސައިފްއަކީ ވެސް އޭނާގެ މަންމަގެ ކާމިޔާބީގެ ހިޔަނި އޭޭނާގެ ބޮލީވުޑް ކެރިއަރަށް އެޅުނު ތަރިއަކަށް ވާއިރު އޭނާއާއި އޭނާގެ ދަރިންނަކީ ބޯޕާލްގެ ޝާހީ ނަވާބު އާއިލާއަށް ނިސްބަތްވާ ތަރިންނެވެ.