ގެއްލިގެން ހޯދަމުން އަންނަ ގްރީން ވިންގް މަކާއޯއެއް ހޯދައިދިން މީހަކަށް 25،000 ރުފިޔާގެ އިނާމެއް ހުށަހަޅައިފި އެވެ.

ގްރީން ވިންގް މަކާއޯ ގެންގުޅޭ ފަރާތުން އޮންލައިން ނޫހެއް ކަމަށްވާ "މިހާރު" އަށް ދިން އިއްޓަވިއުއްގައި ބުނެފައި ވަނީ މިމަކާއޯއަކީ 90،000 ރުފިޔާއަށް ކުވައިތުން ގަނެގެން ގެނެސްފައިވާ ދޫޏެއް ކަމަށެވެ.

މިމަކާއޯ ރާއްޖެ ގެނެސް އަދި އަހަރެއް ވެސް ނުވާނެ ކަމަށާއި މިދޫނި ގެއްލުނީ ހުޅުމާލެ ދެ ވަނަ ފިޔަވަހީގެ ހިޔާ ފްލެޓް ސަރަހައްދު ކަމަށް ވެސް އެ މީހުން ވަނީ ބުނެފަ އެވެ.

މިއީ ރަތާއި ފެހި އަދި ނޫ ކުލަ ހުންނަ މަކާއޯއެކެވެ. މިމަކާއޯއަށް އޭގެ ވެރިފަރާތުން ދީފައިވާ ނަމަކީ "ރިކޯ" އެވެ.

ގެއްލިގެން ހޯދަމުން އަންނަ މަކާއޯ: މި ދޫންޏަށް ކިޔާ އުޅެނީ "ރިކޯ".

ރިކޯ ގެއްލިފައިވަނީ މިދިޔަ ހޯމަ ދުވަހު ހިޔާ ފްލެޓް ސަރަހައްދުގައި އުދުއްސަން ގެންގޮސްގެން އުޅެނިކޮށެވެ. ނަމަވެސް އެދުވަހު މާ ދުރަށް ގޮސް، އެނބުރި އަންނަން ނޭނގި ގެއްލުނީ ކަމަށް އެފަރާތުން ލަފާ ކުރެ އެވެ.

ހުޅުމާލެ ދެވަނަ ފިޔަވަހިން ހިޔާ ފުލެޓުތައް ކައިރިން ގެއްލުނު މި ދޫނިގެ ހަބަރެއް ވެއްޖެ ނަމަ 9999177 ނުވަތަ 9996270 ނަންބަރު ފޯނަށް ގުޅުމަށް ވެސް އެފަރާތުން ވަނީ އެދިފަ އެވެ.