ދިވެހި ފުލުހުންގެ ހިދުމަތުގެ ގާނޫނުގައި ބަޔާންކުރާ "ސްޓްރެޓީޖިކް ޕޮލިސިން ރިކުއަޔަމަންޓް" ކަނޑައަޅުއްވާ ކޮމިޝަނާ އޮފް ޕޮލިސް މުހައްމަދު ހަމީދަށް ފޮނުވައިފި އެވެ.

ފުލުހުންގެ ބަޔާނުގައި ހާމަކޮށްފައިވާ ގޮތުގައި ސްޓްރެޓިޖިކް ޕޮލިސީ ރިކުއަމެންޓް ކަނޑައެޅުމުގައި ހޯމް މިނިސްޓަރު ރިއާޔަތް ކުރައްވާފައި ވަނީ ދިވެހި ފުލުހުންގެ ހިދުމަތުގެ މިހާރުގެ ހާލަތަށާއި ރާއްޖޭގެ ދާހިލީ ސަލާމަތާއި ރައްކާތެރިކަމަށް މެދުވެރިވަމުން އަންނަ ގޮންޖެހުންތަކަށާއި ރާއްޖޭގެ ކުށުގެ މާހައުލު ބަދަލުވަމުން އަންނަ ގޮތަށެވެ.

ކުރިއަށް އޮތް ތަނުގައި ފުލުހުންގެ ހިދުމަތުގެ އެންމެހާ ކަންކަން ތަރުތީބުކޮށް އިންތިޒާމު ކުރުމާއި ދިވެހި ފުލުހުންގެ ހިދުމަތުގެ ކަންކަން ޕްލޭންކޮށް ރާވައި ހިންގުމުގައި ގާނޫނުގައިވާ ގޮތުގެ މަތިން ކޮމިޝަނަ އޮފް ޕޮލިސް މަސައްކަތް ކުރައްވާނީ މީގައި ހުރި ކަންކަން ހާސިލް ކަމަށް ބަޔާނުގައިވެ އެވެ.

ގާނޫނުއަސާސީގެ 242 ވަނަ މާއްދާގެ ދަށުން ދިވެހި ފުލުހުންގެ ހިދުމަތަށް ޒިންމާ މަތި ކުރެވިފައިވާ ވަޒީރަކު ސްޓްރެޓިޖިކް ޕޮލިސީ ރިކުއަމެންޓް މުރާޖައާ ކުރެވެންދެން ނުވަތަ މުޅީން އާ ސްޓްރެޓިޖިކް ޕޮލިސީ ރިކުއަމެންޓްތަކެއް ކަނޑައަޅުއްވަންދެން ފުލުހުންގެ މަސައްކަތާ ގުޅޭ ގޮތުން ސަރުކާރުންދޭ އަސާސީ އިރުޝާދު ކަމުގައި ބަލަން ވާނީ މިއަދު ކަނޑައެޅުއްވި ސްޓްރެޓިޖިކް ޕޮލިސީ ރިކުއަމެންޓްގައި ބަޔާން ކުރާ ކަންކަމެވެ.