މާލޭ މީހުންނަށް ހިލޭ ގޯތި ކަނޑާފައި ދިނުން

"ބިންވެރިޔާ" ސްކީމްގެ ދަށުން ގޯތި ލިބުނު ފަރާތްތަކަށް ގޯތި ދޭނެ ސަރަަހައްދުތައް ކަނޑައެޅުމަށް އިއްޔެ ވަނީ ގުރުއަތުލުން ބާއްވާފައި. މިއީ 40 އަހަރު ފަހުން މާލެ ސަރަހައްދުން ހިލޭ ގޯތި ބެހި ފުރަތަމަ ފަހަރު. ބިންވެރިޔާ ސްކީމްގެ ދަށުން މާލެ ސަރަހައްދުން ގޯއްޗަށް ކުރިމަތިލާން ހުޅުވާލީ މިދިޔަ އަހަރުގެ ޖޫން މަހު. މި ފުރުސަތުގައި 23،000 އަށްވުރެ ގިނަ މީހުން ފޯމު ހުށައެޅިއިރު، ޝަރުތު ހަމަވާ ދާއިމީ ލިސްޓްގައި 19639 މީހުން ގޯއްޗަށް ޝަރުތު ހަމަވާވާކަމަށް ވަނީ ކަނޑައަޅަފައި. މީގެ ތެރިން މި ދައުރުގަައި 18،955 މީހުންނަށް ގޯތި ދޭނެ. ފޮޓޯތައް: ޕްލޭނިން މިނިސްޓްރީ