ތާރީޚީ ކޮވިޑް ވެކްސިން ޖަހަން ފެށުން

މިއަދަކީ ކޮވިޑާ ދެކޮޅަށް ރާއްޖެއިން ކުރާ ހަނގުރާމައިގެ ތާރީޚީ ދުވަހެއް. އޮކްސްފޯޑް އެސްޓްރާޒެނެކާގެ ވެކްސިން ރާއްޖޭގައި ދޭން ފެށުމަށް މިއަދު ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހު ވެސް ވަނީ ވެކްސިން ޖައްސަވާފައި.
އިންޑިއާގެ ސިރަމް އިންސްޓިޓިއުޓުން އުފެއްދި ކޮވިޝިލްޑް ވެކްސިންގެ 100،000 ޑޯޒުގެ ވެކްސިން ހަދިޔާކޮށްފައިވޭ. އަދި އިތުރުން 700،000 ޑޯޒުގެ ވެކްސިން ރާއްޖެ ގެނައުމަށް ސަރުކާރުން ނިންމާފައިވޭ.
މިއަދު ވެކްސިން ޖެހުމުގެ ޕްރޮގްރާމް ފެށިއިރު، މާލޭގެ އިތުރުން އައްޑު އާއި ހދ. ކުޅުދުއްފުށީގައި ވެސް ވެކްސިން ޖަހަން ފަށާފައިވޭ. ފޮޓޯތައް: ރައީސް އޮފީސް