ނުވަ އަހަރަށް ފަހު އަލުން "މޯލްޑިވްސް ފައިނޭންޝަލް އެކްސްޕޯ"

މާލީ އެކި އިދާރާތައް ބައިވެރިވާ "މޯލްޑިވްސް ފައިނޭންޝަލް އެކްސްޕޯ 2026" ރަސްމީކޮށް ހުޅުވީ މިއަދު. މުޅިން އާ މިސްރާބަކަށް ރާއްޖޭގެ މާލީ ސިނާއަތް ގެންދިއުމުގެ އަޒުމުގައި، ނުވަ އަހަރުގެ ދިގު މެދުކެނޑުމަކަށް ފަހު ފެށި އެމްއެމްއޭ އިން ކުރިޔަށް ގެންދާ މި ހަރަކާތް ރަސްމީކޮށް އިފްތިތާހުކޮށްދެއްވީ ރައީސް މުހައްމަދު މުއިއްޒު. މިއަދުން ފެށިގެން އަންނަ ހޮނިހިރު ދުވަހުގެ ނިޔަލަށް، ކޮންމެ ދުވަހަކު ހަވީރު 3:00 އިން ރޭގަނޑު 10:00 އަށް ކުރިއަށްދާ މި އެކްސްޕޯގައި މާލީ ދާއިރާގެ 30 އަށް ވުރެ ގިނަ އިދާރާއަކުން ބައިވެރިވޭ.