27 ވިލޭރޭ ދެ ހަރަމްފުޅު ފުރާލާފައި

މިއަހަރުގެ ރަމަޟާން މަހުގެ 27 ވިލޭރޭ ފާހަގަކުރުމުގެ ގޮތުން، މައްކާގެ މަސްޖިދުލް ހަރާމް އާއި މަދީނާގެ މަސްޖިދުއް ނަބަވީގައި ކުރި ތަރާވީހް ނަމާދާއި ދަމު ނަމާދުގައި ދެ މިލިއަނެއްހާ މީހުން ބައިވެރިވެ، އެ ދެ ހަރަމްފުޅު ފުރާލައިފި.

ސައޫދީ އަރަބިއްޔާގެ ބައެއް ނޫސްތަކުން ބުނާ ގޮތުގައި، މަސްޖިދުލް ހަރާމްގައި ރޭ ކުރި ތަރާވީހް ނަމާދުގައި ދެ މިލިއަނަށް ވުރެ ގިނަ މީހުން ބައިވެރިވި. ރަމަޟާން މަހުގެ ފަހު ދިހައިގެ ތެރޭގައި އަންނަ އޮނަހިރި ރޭތަކުގެ ތެރެއިން ވެސް، 27 ވިލޭރެއަކީ ލައިލަތުލް ގަދްރި ކަމަށް ގިނަ އިލްމުވެރިން ބުރަވެވަޑައިގަންނަވާ ރޭ ކަމަށްވާތީ، 27 ވިލޭރޭގެ އަޅުކަމުގައި ވަރަށް ގިނަ އަދަދެއްގެ މީހުން ކޮންމެ އަހަރަކު ވެސް ބައިވެރިވޭ.