އެމްޑީޕީގެ ރިޔާސީ ޕްރައިމަރީގައި ރައީސް ސޯލިހު ވޯޓުލެއްވުން

އެމްޑީޕީގެ މިފަހަރުގެ ރިޔާސީ ޕްރައިމަރީގައި ވާދަކުރައްވަނީ ރައީސް މުހައްމަދު ނަޝީދާއި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު. ވާދަވެރި ކެމްޕޭނަކަށްފަހު ބާއްވާ މި ޕްރައިމަރީގެ ވޯޓުލުން ފަށާފައި ވަނީ މިއަދު ހެނދުނު 9:00 ގައި. ވޯޓުލުން ހަވީރު 5 ޖެހުމާ ހަމައަށް ކުރިއަށްދާނެ. މި އިންތިޚާބުގައި 200 އަށް ވުރެ ގިނަ ވޯޓު ފޮށި މާލެއާއި އަތޮޅުތަކުގައި ބަހައްޓާފައިވޭ. އެގޮތުން މާލެ ސަރަހައްދުގައި ޖުމްލަ 49 ވޯޓު ފޮށި ބަހައްޓާފައިވާއިރު، އަތޮޅު ތެރޭގައި 194 ވޯޓު ފޮށި ބަހައްޓާފައިވޭ. އެ ޕާޓީން އާންމުކޮށްފައިވާ ވޯޓާސް ލިސްޓުގައިވާ ގޮތުން 57،255 މީހުންނަށް މި އިންތިޚާބުގައި ވޯޓު ލެވޭނެ.