ސިއްހީ ދާއިރާގައި މަސައްކަތްކުރާ މުވައްޒަފުންގެ މުސާރަ މިރޭ ނޫނީ މާދަމާ ޖަމާވާނެ ކަމަށް ހެލްތް މިނިސްޓްރީން ބުނެފި އެވެ. އެ މިނިސްޓްރީގެ އޮފިޝަލަކު ވިދާޅުވީ މިހާރު މުސާރަ ޝީޓުތައް ނިންމައި ފިނޭންސް މިނިސްޓްރީއަށް ފޮނުވާފައިވާ ކަމަށެވެ.

ހެލްތު މިނިސްޓްރީ އިން ބުނީ އެ މިނިސްޓްރީގެ މުވައްޒަފުންނަށް މުސާރަ ލިބުން ލަސްވީ، މުސާރައިގެ ކަންތައް ބަލަހައްޓާ ގިނަ އަދަދެއްގެ މުވައްޒަފުން ކަރަންޓީނުގައި ތިބުމުން މުސާރަ ޝީޓު ނިންމަން ޖެހޭ ދުވަހަށް ނުނިންމުމުން ކަމަށެވެ.

ގާނޫނުގައިވާ ގޮތުން ސިވިލް ސާވިސް މުވައްޒަފުންގެ މުސާރަ ކޮންމެ މަހެއްގެ އެއްވަނަ ދުވަހުގެ ކުރިން ޖަމާކުރަން ޖެހެ އެވެ. ސިއްހީ ދާއިރާގައި މަސައްކަތްކުރާ މުވައްޒަފުންނަށް މުސާރަ އަދިވެސް ނުލިބޭތީ އެކަމާ ދަނީ ޝަކުވާ ކުރަމުންނެވެ. އޭގެ ތެރޭގައި ހިމެނެނީ ހެލްތު މިނިސްޓްރީ އާއި އައިޖީއެމްއެޗުގެ މުވައްޒަފުންނެވެ. އެއިން އެއްވެސް ބަޔަކަށް އަދި މުސާރަ ޖަމައެއް ނުވެ އެވެ.

ފިނޭންސް މިނިސްޓްރީން މުސާރަ ޖަމާކުރާނީ އެ މިނިސްޓްރީގެ ޕޯޓަލް މެދުވެރިކޮށް، މުސާރަ ޝީޓުތައް ފޮނުވުމުންނެވެ.