"ގޭމް އޮފް ތްރޯންސް"ގެ ޕްރީކުއެލް، "ހައުސް އޮފް ދަ ޑްރެގަން" ސީރީޒް ޕްރިމިއާ ކުރި ރޭ އެންމެ ގިނަ މީހުން ބެލި ސީރީޒްވެ، އެޗްބީއޯގެ ރެކޯޑުތައް މުގުރާލައިފި އެވެ.

އެޗްބީއޯއިން ބުނީ "ހައުސް އޮފް ދަ ޑްރެގަން" ޕްރިމިއާ ކުރި ރޭ އެޗްބީއޯ ނުވަތަ އެޗްބީއޯ މެކްސް އިން ގާތްގަނޑަކަށް 10 މިލިއަން ބެލުންތެރިން ވަނީ މިސީރީޒް ބަލާފައިވާ ކަމަށެވެ. މިއާއެކު :ހައުސް އޮފް ދަ ޑްރެގަން" ވެގެން ގޮސްފައިވަނީ އެންމެ ގިނަ މީހުން ބެލި ސީރީޒްގެ ގޮތުގައި އެވެ. މިއީ ނެޓްފްލިކްސްގެ މަގުބޫލު ޝޯ "ސްޓްރޭންޖާ ތިންގްސް" އާ އަޅާބަލާއިރު މިސީރިޒް ބެލި މީހުންގެ އަދަދު އިތުރެވެ.

ހައުސް އޮފް ދަ ޑްރެގަން އަކީ ޖޯޖް އާރް އާރް މާޓިންގެ ފޮތް، ފަޔާ އެންޑް ބްލަޑްގެ މައްޗަށް ބިނާކޮށް އުފައްދާފައިވާ ސީރީޒެކެވެ. މިސީރީޒުގައި ހިމެނެނީ 10 އެޕިސޯޑެވެ.

https://www.youtube.com/watch?v=DotnJ7tTA34

ހައުސް އޮފް ދަ ޑްރެގަން ސީރީޒަކީ ދުނިޔޭގެ ގިނަބަޔަކަށް މަގުބޫލުވި ގޭމް އޮފް ތްރޯންސް ސީރީޒުގެ 200 އަހަރު ކުރި ދައްކުވައިދޭ ސީރީޒެކެވެ. މިސީރީޒް ޕްރިމިއާ ކޮށްފައިވަނީ މިދިޔަ އާދީއްތަ ދުވަހު އެވެ. މިސީރިޒް އަންނަ އޮކްޓޯބަރު މަހުގެ ނިޔަލަށް ކުރިއަށްދާނެ އެވެ.