ބާރުގަދަ ތޫފާން "މަން ޔީ" ފިލިޕީންސްއަށް އަރައިފި
ހުށަހަޅާފައިވާ ބަޖެޓު އަނބުރާ ގެންދަން ސިޔާމް ގޮވާލައްވައިފި
މަސްވެރިންނަށް ވަގުތުން އަގު: ތާރީޚުން ފިލާވަޅެއް
"އިންސާފު ކޮބާ" ގެ ނަމުގައި އިދިކޮޅު ޕީޕީއެމް، ޕީއެންސީން މިއަދު މާލޭގައި ބޭއްވި މުޒާހަރާ އިން 11 މީހަކު ހައްޔަރުކޮށްފި އެވެ.
ޕީޕީއެމްގެ ތަރުޖަމާނު ހީނާ ވަލީދު ވިދާޅުވީ މުޒާހަރާގެ ބައިވެރިއަކަށް އަނިޔާކުރުމުގެ ސަބަބުން ހޭނެތިގެން އޭޑީކޭހޮސްޕިޓަލްގައި ފަރުވާދެމުން އަންނަ ކަމަށެވެ.
މުޒާހަރާ އިން ހައްޔަރުކުރި މީހުންގެ ތެރޭގައި ޕީއެންސީގެ ކައުންސިލް މެމްބަރު ނަބީލް ޒަމީލް އާއި ޕްރޮގްރެސިވް ކޮންގްރެސް ކޯލިޝަންގެ ސްޓިއަރިން ކޮމިޓީގެ މެމްބަރުން ހިމެނޭ ކަމަށް ވެސް ހީނާ ވިދާޅުވި އެވެ.
ރާއްޖޭގެ އެކި ކަންކޮޅުތަކުގައި މިއަދު ވަނީ މުޒާހަރާކޮށްފަ އެވެ. މިއަދުގެ މުޒާހަރާގެ ބައިވެރިން ތިބީ ކޮވިޑުން ރައްކާތެރިވުމަށް ރައްކާތެރިކަމުގެ ފިޔަވަޅުތައް އަޅައިގެންނެވެ. އެގޮތުން ހުރިހާ ބައިވެރިން ވެސް މާސްކު އެޅިއެވެ. އަދި ބައެއް މީހުން މާސްކާއެކު ފޭސް ޝިލްޑް ވެސް އެޅި އެވެ.
ޕީޕީއެމްގެ އޮފީސް ދޮރުމަތިން މުޒާހަރާ ފެށުމާ އެކު ފުލުހުން ވަނީ އެ ސަރަހައްދުގައި ބެރިކޭޑް ޖަހައި އެއްވެސް ސަރަހައްދަކަށް ނުދެވޭނެ ގޮތަށް ބަންދުކޮށްފަ އެވެ.
ގިނަ އަދަދެއްގެ ފުލުހުން މުޒާހަރާ ކޮންޓްރޯލް ކުރަން ހަރަކާތްތެރިވެފައިވާއިރު، މުޒާހަރާގެ ބައިވެރިންގެ ގަޔަށް ޕެޕަސްޕްރޭ ވެސް ވަނީ ޖަހާފަ އެވެ.
މުޒާހަރާގައި ފުލުހުން ބައެއް މީހުންނަށް އަނިޔާ ކުރި ކަމަށް ވެސް ވަނީ ތުހުމަތުކޮށްފަ އެވެ. ނަމަވެސް ފުލުހުން މިކަމާ ގުޅޭގޮތުން އެއްވެސް އެއްޗެއް ނުބުނެ އެވެ.
މިނިވަންވެ ބިމިފަ ތިހުރީ ދެން ގެއަށް ވަދޭ