ބޮލީވުޑްގެ މަޝްހޫރު ތަރި އަކްޝޭ ކުމާރުއާއި އޭނާގެ އަންހެނުން ކުރީގެ އެކްޓްރެސް އަދި ކާމިޔާބު ލިޔުންތެރިޔާ ޓްވިންކަލް ހަންނާ ރާއްޖޭގައި ޗުއްޓީ ހޭދަ ކުރަމުން އެބަދެ އެވެ.

އެދެމަފިރިން ޗުއްޓީ ހޭދަކުރަމުން އަންނަނީ ނ. އަތޮޅުގެ ސޮނޭވާ ޖާނީ ރިސޯޓުގަ އެވެ. އެ ޗުއްޓީގެ އުސްއަލިތައް ފެންނަ ވީޑިއޯއެއް ޓްވިންކަލް މިހާރު ވަނީ އޭނާގެ ސޯޝަލް މީޑިއާގައި ހިއްސާކޮށްފަ އެވެ.

އެގޮތުން އެ ވީޑިއޯގައި ޓްވިންކަލް ތިން ފުރޮޅުލީ ބައިސްކަލެއް ދުއްވަމުން ގޮސް ފާލަމުގައި ޖަހާފައި ހުރި މުޑިއަކަށް އަރަ އެވެ. އެއާއެކު ފަހަތުން އަކްޝޭގެ ހިނިގަނޑު ފަޅައިގެންދާ އަޑު އިވެ އެވެ.

https://www.instagram.com/reel/C1lW_f7RJOd/?utm_source=ig_embed&ig_rid=3a7aca1f-4676-45ee-9c77-de605eae9baf

މީގެ އިތުރުން ވެސް އެ ދެމީހުން ވަނީ ފީނަން ގޮސް ދިވެހިރާއްޖޭގެ ކަނޑުއަޑީގެ ރީތިކަން ތަޖުރިބާ ކޮށްފަ އެވެ. ޓްވިންކަލް ދިވެހި ރާއްޖެ ފާހަގަކުރީ ދުނިޔެމަތީގެ ސުވަރުގޭގެ ގޮތުގަ އެވެ.

2023 ވަނަ އަހަރު ވެފައިވަނީ އަކްޝޭއާއި ޓްވިންކަލުއަށް ވެސް ކާމިޔާބު އަހަރަކަށެވެ. ޓްވިންކަލް އަދަބިއްޔާތުގެ ދާއިރާއިން މާސްޓާސް ހާސިލް ކުރިއިރު އަކްޝޭ ވަނީ ގިނަ ދުވަސްތަކަކަށްފަހު ކާމިޔާބު ފިލްމަކުން ފެނިގެން ގޮސްފަ އެވެ.