މިއަހަރުގެ ހައްޖުގެ އަޅުކަމަށް ރާއްޖެއިން ސައުދީއަރަބިއްޔާ އަށް ހައްޖާޖީންގެ ދެވަނަ ގުރޫޕު މިއަދު ފުރައިފި އެވެ.

ހައްޖާޖީންގެ ފުރަތަމަ ގްރޫޕް މިދިޔަ ހުކުރު ދުވަހު ވަނީ ސައުދީ އަށް ގޮސްފަ އެވެ. އެ ގްރޫޕްގައި ޖުމްލަ 298 ހައްޖާޖީން ގޮސްފައިވެ އެވެ. ހައްޖުވެރިންގެ ދެވަނަ ގްރޫޕް މިއަދު ފުރީ 355 ހައްޖާޖީންނާއެކު އެވެ.

މި އަހަރު ރާއްޖެއިން ހައްޖަށް މީހުން ގެންދަނީ ހަމައެކަނި ހައްޖު ކޯޕަރޭޝަނުންނެވެ.

ރާއްޖެއިން ހައްޖަށް މީހުން ގެންދިއުމަށް ކަނޑައަޅާފައިވާ ރަސްމީ 1000 ކޯޓާގެ އިތުރުން، އިތުރު 150 ކޯޓާ މިއަހަރު ރާއްޖެއަށް ލިބިފައިވާ ކަމަށް ހައްޖު ކޯޕަރޭޝަނުން ވަނީ ބުނެފަ އެވެ. މިއާއެކު ހައްޖަށް މީހުން ފޮނުވުމަށް ޖުމްލަ 4 ފްލައިޓް ބޭއްވުމަށް ނިންމާފައިވާއިރު، މިހާތަނަށް 2 ފްލައިޓުގައި ޖުމުލަ 651 މީހުން ވަނީ ފުރާފަ އެވެ.

މިއަހަރު ރާއްޖެއިން ހައްޖަށް ދާ ދެވަނަ ގްރޫޕްގައި ހިމެނޭ މީހުން ފުރަން މިއަދު މެންދުރު އެއާޕޯޓުގައި. ފޮޓޯ: އިސްލާމިކް މިނިސްޓްރީ

އިތުރަށް ލިބުނު 150 ކޯޓާގައި ދާ މީހުން ފުރުމަށް ހަމަޖެހިފައިވަނީ މިމަހުގެ 10ވަނަ ދުވަހުކަމަށެވެ.

މި އަހަރުގެ ހައްޖު ކޯޓާގެ ތެރެއިން 50 ޖާގަ ސަރުކާރުން ވަނީ ނިކަމެތި ފަގީރުންނަށް ހާއްސަކޮށް، ސަރުކާރުގެ ހަރަދުގައި ހައްޖަށް ގެންދަން ނިންމައިފަ އެވެ.

https://www.hurihaa.mv/gallery/176#

މިއަހަރުގެ ހައްޖު ދުވަހަކީ މި މަހުގެ 16 ވަނަ ދުވަހެވެ.