އޭއާރް ރަހްމާންއާއި ސައިރާގެ ކައިވެނި ނިމުމަކަށް!
ޣައްޒާގެ ހަނގުރާމަ ހުއްޓާލުމުގެ ގަރާރު އެމެރިކާއިން ވީޓޯކޮށްފި
މަސްފެންގަނޑު މަރާތުކޮށް ހަވާލުކުރުމަށް ރަސްމިއްޔާތެެއް
މަޖީދިއްޔާ ސްކޫލުގައި ކިޔަވަމުން އަންނަ ދަރިވަރަކު ޓީބީއަށް ޕޮޒިޓިވް ވުމާ ގުޅިގެން، އެ ސްކޫލުގެ އެހެން ދަރިވަރުންތަކެއް ޓެސްޓުކުރަން ފަށައިފި އެވެ.
އެޑިއުކޭޝަން މިނިސްޓްރީގެ އޮފިޝަލަކު ވިދާޅުވީ މަޖީދިއްޔާ ސްކޫލުގައި ކިޔަވަމުންދާ ދަރިވަރަކު ޓީބީއަށް ޕޮޒިޓިވް ވުމާ ގުޅިގެން ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ޕްރޮޓޮކޯލް އަށް އަމަލު ކުރަމުންދާ ކަމަށެވެ. އަދި އެ މިނިސްޓްރީ އާއި ސްކޫލުން މި ކޭސް އަށް އެޓެންޑުވަމުން ދަނީ އެޗްޕީއޭގެ ލަފާގެ މަތިން ކަމަށާއި ޓެސްޓު ކުރަމުންދަނީ ޓީބީއަށް ޕޮޒިޓިވްވި ދަރިވަރާ ކޮންޓެކްޓްވި ދަރިވަރުން ކަމަށް ވެސް އޭނާ ވިދާޅުވި އެވެ.
އެ އޮފިޝަލް ވިދާޅުވީ ބައްޔަށް ޕޮޒިޓިވްވި ދަރިވަރުގެ ކޮންޓެކްޓުން ދެނެގަނެ އެ ދަރިވަރުން ވެސް ޓެސްޓު ކުރާނެ ކަމަށެވެ.
ޓީބީ އަކީ ފުއްޕާމެއަށް ޖެހޭ ބައްޔެކެވެ. އެ ބަލި ޖެހިފައިވާ މީހެއް ކެއްސައި، ކިނބިހި އަޅާއިރު ވައިގެ ޒަރިއްޔާ އިން އެ ބަލި ފެތުރެ އެވެ.
ރާއްޖެއިން އާންމުކޮށް ޓީބީ ނުފެނުނު ނަމަވެސް ޖަލުތަކުން ޓީބީ ފެންނަ މިންވަރު އިތުރެވެ. އެންމެ ފަހުން ސްކޫލަކުން ޓީބީ ކޭހެއް ފެނިފައިވަނީ މީގެ ދެ އަހަރު ކުރިން ސީއެޗްއެސްސީ އިންނެވެ. ދިވެހި ސަރުކާރުން މިހާރު އަމާޒު ހިފާފައިވަނީ އަންނަ އަހަރުގެ ނިޔަލަށް ރާއްޖެއިން މި ބަލި އެއްކޮށް ނައްތާލުމެވެ.
