އަޟްހާ އީދު ފާހަގަކުރުމުގެ ގޮތުން އުރީދޫއިން ރާއްޖޭގެ އެކި ރަށްރަށާއި ގުޅިގެން ގިނަ ހަރަކާތްތަކެއް ކުރިއަށް ގެންގޮސްފި އެވެ.

އެ ކުންފުނިން ބުނިގޮތުގައި މިއީ އީދުގެ އުފަލުގައި ގިން ބަޔަކަށް ބައިވެރިވެވޭނެ ގޮތުގައި ހަރަކާތްތައް ރޭވުމުގެ އަމާޒުގައި ކުރިޔަށް ގެންދިޔަ ކަންކަމެވެ.

އުރީދޫ އީދު ހަދިޔާ

އުރީދޫ ޓީމުން ވަނީ އީދު ދުވަހު ރާއްޖޭގެ އެކި ހިސާބުގތަކުގައި ކުޑަކުދިންނަށް ހަދިޔާ ބަހައިފަ އެވެ.

އެންސީއޭ ބޮޑު އީދު 1445

އުރީދޫއާއި ނޭޝަނަލް ސެންޓަ ފޮ ދި އާޓްސް (އެންސީއޭ) ގުޅިގެން މާލޭގެ އެކި ކަންކޮޅުތަކުގައި ތަފާތު ހަރަކާތްތައް ކުރިއަށް ގެންގޮސްފައިވެ އެވެ. އޭގެ ތެރޭގައި މާލި، ލަންގިރި، ބޮޑުބެރު، ސްޓޭޖް ޝޯ، ބޮޑުމަސް އަދި އާޓިސްޓުންގެ ޝޯކޭސް ޕެއިންޓިން ޝޯކޭސް ހިމެނެ އެވެ.

ނ. ލަންދޫ އީދު ފާހަގަކުރުން

ނ. ލަންދޫ އީދު ފާހަގަކުރުމުގެ ގޮތުން ވަނީ އެރަށުގައި ކުލަގަދަ ހަރަކާތްތަކެއް ކުރިއަށް ގެންގޮސްފަ އެވެ. މި ހަރަކާތް ފެށުމުގެ ރަސްމިއްޔާތުން ފެށިގެން ލަންގިރި އާއި މާލި ފަދަ ތަފާތު ސަގާފީ ހަރަކާތްތަކަކީ ރަށުގެ ރައްޔިތުންނާއި ޒިޔާރަތްކުރާ ފަރާތްތަކަށް އީދުގެ އުފަލުގައި ތައްޔާރުކޮށްފައިވާ ކަންކަމެވެ.

އެމެން އެކުގައި ކެންދޫ އީދު އުފާ

ކުޑަކުދިންގެ އިވެންޓަށް ހާއްސަ ބަބްލް ޝޯއަކާއި ފަން ގޭމްތަކެއް ތައްޔާރުކޮށްފައިވާއިރު، ސަގާފީ ޑާންސްތަކާއި އީދުގެ އާދަޔާ ހިލާފު ހަރަކާތްތައް ވެސް ވަނީ ކުރިއަށް ގެންގޮސްފަ އެވެ

އީދު ކުޅިސާމާ 1445. ޅ. ނައިފަރު

ނައިފަރުގައި އީދަށް ގިނަ ހަރަކާތްތަކެއް ފެނިގެން ދިޔައިރު، މާލި ޕެރޭޑުން ފެށިގެން ބޮޑުބެރުއާއެކު ސްޓޭޖް ޝޯއާ ހަމައަށް ކޮންމެ މީހަކަށް ވެސް އުފާވެރިކަން ލިބުނެވެ. އަދި ރިލޭ ރޭހާއި ބަށި ފަދަ ހަރަކާތްތައް ވެސް ކުރިއަށް ގެންދިޔަ އެވެ.