ބޭންކު އޮފް މޯލްޑިވްސް (ބީއެމްއެލް) އަށް ޑޮލަރު ލިބުން ދަތިވެ، ރުފިޔާ ކާޑުތަކުން ޑޮލަރު މުއާމަލާތްތައް އެއްކޮށް ކަނޑާލަން ނިންމި ނިންމުމުން ބަދަލުކޮށް "އުނބަށް ޖަހައިފި" އެވެ.

އެ ބޭންކުން މިއަދު ނެރުނު ނޫސްބަޔާނެއްގައި ވަނީ އެ ގޮތަށް ނިންމީ ބޭންކުގެ ރެގިއުލޭޓަރު އެމްއެމްއޭ އިން އަންގައިގެން ކަމަށެވެ.

ބީއެމްއެލް އިން މިއަދު ނިންމުމާއެކު އާއްމުން ވަނީ ރަތަށް އަރައިފަ އެވެ. އަދި އެ ނިންމުން ބަލައިނުގަންނަ ކަމަށް ބުނެ އެތައް ބަޔަކު ދިޔައީ ސަރުކާރަށް ޕްރެޝާކުރަމުންނެވެ.

އާއްމުންގެ ނުރުހުމަށް ހަ ގަޑިއިރަށް ވެސް ކެތް ނުކުރެވިގެން އެ ނިންމުން ބަދަލުކުރުމަށް ފަހު ބީއެމްއެލް އިން ނެރުނު ކުރު ބަޔާނުގައި ވަނީ "25 އޮގަސްޓް 25 ގައި އިއުލާންކުރި ރާއްޖެއިން ބޭރުގެ ކުރެވޭ މުއާމަލާތް ކުރެވޭ ލިމިޓްތަކަށް ބަދަލުތައް ބޭންކުގެ ރެގިއުލޭޓާ، މޯލްޑިވްސް މަނިޓަރީ އޮތޯރިޓީގެ އިރުޝާދަށް ބަލައި މިހާރު ވަނީ އަނބުރާ ގެނެވިފައި" ކަމަށެވެ.

ކާޑު ލިމިޓްތަކަށް ގެނައި ބަދަލުތައް:

  • މިހާރު ދޫކޮށްފައިވާ ޑެބިޓް ކާޑުތައް: ކާޑުގެ ޕްރައިމަރީ އެކައުންޓް ރުފިޔާ އެކައުންޓުގެ ގޮތުގައި ކަނޑައަޅާފައިވާނަމަ ރާއްޖޭން ބޭރުގެ މުއާމަލާތްކުރުމަށް އެއްވެސް އަދަދެއް ނުލިބޭނެ.
  • މިއަދުން ފެށިގެން އަލަށް ދޫކުރާ ޑެބިޓް އަދި ކްރެޑިޓް ކާޑުތައް: ކާޑުގެ ޕްރައިމަރީ އެކައުންޓް ރުފިޔާ އެކައުންޓުގެ ގޮތުގައި ކަނޑައަޅާފައިވާނަމަ ރާއްޖޭން ބޭރުގެ މުއާމަލާތްކުރުމަށް އެއްވެސް އަދަދެއް ނުލިބޭނެ.
  • މިހާރު ދޫކޮށްފައިވާ ސްޓޭންޑަޑް އަދި ގޯލްޑް ކްރެޑިޓް ކާޑުތައް: މަހެއްގެ މައްޗަށް ކުރެވޭ ރާއްޖޭން ބޭރުގެ މުއާމަލާތްތައް 100 ޑޮލަރަށް ދަށްކުރުން.

މި ބަދަލު ގެނައުމަށްފަހު އެ ބޭންކުގެ ސީއީއޯ ކާލް ސްޓުމްކަ ވިދާޅުވީ މިވޭތުވެ ދިޔަ އަހަރެއްހާ ދުވަހު ބޭންކުން އައީ ކާޑުން ކުރެވޭ ރާއްޖޭން ބޭރުގެ މުއާމަލާތްތަކުގެ އަދަދު ނުހަނު ގާތުން ބަލަމުން ކަމަށެވެ.

https://www.hurihaa.mv/32072

"އަޅުގަނޑު ތަކުރާރުކޮށް ދަންނަވާފައިވާ ފަދައިން ބޭންކަށް ވިއްކޭނީ ބޭންކަށް ގަންނަން ލިބޭ ބޭރު ފައިސާއެއް،" ޑޮލަރުން ބޮޑު އަދަދެއްގެ މުސާރަ ލިބޭ ސީއީއޯ ވިދާޅުވި އެވެ.