އުމުރުން 8 އަހަރުގެ ފިރިހެން ކުއްޖަކަށް ޖިންސީ ގޯނާކުރިކަމުގެ ތުހުމަތުގައި ބިދޭސީއަކު ހައްޔަރުކޮށްފި އެވެ.

ފުލުހުން ބުނީ ސައުތު ޕޮލިސް ރީޖަން (ގއ. ގދ. ޏ އަދި ސ) ގައި ހިމެނޭ ރަށެއްގައި 8 އަހަރުގެ ފިރިހެން ކުއްޖަކަށް ޖިންސީ ގޯނާކުރިކަމަށް ތުހުމަތުކުރެވޭ މައްސަލައެއް ފުލުހަށް ހުށަހެޅީ މިދިޔަ އަންގާރަ ދުވަހު ކަމަށެވެ.

މި މައްސަލާގައި ކޯޓު އަމުރެއްގެ ދަށުން ހައްޔަރުކުރީ އުމުރުން 26 އަހަރުގެ ބިދޭސީއެކެވެ.

މި މައްސަލައާއި ގުޅޭ އިތުރު ތަފްސީލު ފުލުހުން ހާމައެއް ނުކުރެ އެވެ.

މިދިޔަ ހަފްތާގައިވެސް ދެކުނުގެ ރަށެއްގެ ސުކޫލެއްގެ ފިރިހެން ޓީޗަރަކު ފިރިހެން ދަރިވަރުންތަކެއް ގްރޫމްކޮށް ޖިންސީ ގޯނާ ކުރަން އުޅުނު ކަމުގެ މައްސަލައެއް ވަނީ ފެންމަތިވެފަ އެވެ. މިހާރު އޭނާ ވަނީ ސަސްޕެންޑް ކޮށްފަ އެވެ. ނަމަވެސް ހައްޔަރެއް ނުކުރެ އެވެ.