ޖިންސީ ފުރައްސާރަ އާއި ޓްރެފިކިންގެ ތުހުމަތުގައި ޖަލުގައި ބަންދުގެ ދުވަސްތައް ގުނަމުން އަންނަ މަޝްހޫރު ރެޕް ލަވަކިޔުންތެރިޔާ ޑިޑީ ޖަލުގައި ހުރެގެން އޭނާގެ އުފަން ދުވަސް ފާހަގަކޮށްފި އެވެ.

މިހާރު ސޯޝަލް މީޑިއާގައި ދައުރުވަމުން އަންނަ ވީޑިއޯތަކުގައި ޖަލުގައި ހުރި ޑިޑީ އޭނާގެ އާއިލާއާ ވީޑިއޯ ކޯލް މެދުވެރިކޮށް ގުޅައި އުފަން ދުވަސް ފާހަގަކުރާ މަންޒަރު ފެނެ އެވެ.

އެގޮތުން އެ ވީޑިއޯ ކޯލުގެ ތެރެއިން ޑިޑީގެ ދަރިން އޭނާއަށްޓަކައި ކޭކެއް ފަޅައި އުފަން ދުވަހުގެ ތަހުނިޔާ ކިޔާފައިވެ އެވެ. އޭގެ ތެރޭގައި އޭނާގެ އެންމެ ހަގު ދަރިފުޅާއި ދޮށީ ދަނާމެރިފުޅު ވެސް ހިމެނެ އެވެ.

އެ ކުޑަ ހަރަކާތަކަށްފަހު ޑިޑީ ވަނީ އޭނާގެ އާއިލާއާ ވާހަކަ ދައްކާފަ އެވެ. އޭނާގެ ދަރިން ދެކެ ވަރަށް ބޮޑަށް ލޯބިވާ ކަމަށާއި ހުރިހާ ކުދިންނާމެދު ވެސް ފަހުރުވެރިވާ ކަމަށް ޑިޑީ ބުންޏެވެ.

"އަހަންނާއެކު އަހަރެންގެ އާއިލާ ވާތީ ވަރަށް އުފާވޭ. ވަރަށް އަވަހަށް ތި އެންމެންނާއެކު ހުރެވޭނެ ކަމަށް އުއްމީދު ކުރަން" ޑިޑީ ބުންޏެވެ.

ޑިޑީގެ މައްޗަށް 13 އަހަރުގެ ކުއްޖަކަށް ޖިންސީ ފުރައްސާރަ ކުރުމާއި އޮރިޔާން ކާޑު ގެންގުޅުމުގެ ތުހުމަތު ކުރެވި 2025 ވަނަ އަހަރަށް އޭނާގެ ޝަރީއަތް ތާވަލު ކުރެވިފައިވާއިރު އެހާތަނަށް އޭނާ ހުންނާނީ ޖަލު ބަންދުގަ އެވެ.