އާއްމުންގެ ބޮޑު މަގުބޫލު ކަމެއް ހޯދި ބޮލީވުޑްގެ ފިލްމެއް ކަމަށްވާ "ކަލް ހޯ ނަ ހޯ" 30 އަހަރަށްފަހު އަލުން ސިނަމާތަކުގައި އަޅުވައިފި އެވެ.

ޝާހްރުކް ޚާންއާއި ޕްރިތީ ޒިންތާގެ އިތުރުން ސައިފް އަލީ ޚާން މުހިއްމު ރޯލުތަކުން ފެނިގެންދިޔަ "ކަލް ހޯ ނަ ހޯ" އެންމެ ފުރަތަމަ ރިލީޒް ކުރެވުނީ 2003 ވަނަ އަހަރު އެވެ.

އެ ފިލްމުގެ ރީ ރިލީޒްގެ ފުރަތަމަ ޝޯ އިއްޔެ ސިނަމާތަކުގައި ދައްކާފައިވާއިރު 30 އަހަރު ފަހުން ވެސް އެ ފިލްމަށް ވަނީ ބޮޑު ތަރުހީބެއް ލިބިގެން ގޮސްފަ އެވެ.

ކަރަން ޖޯހަރު ޕްރޮޑިއުސްކޮށް ނިއްކިލް އަދްވާނީ ޑައިރެކްޓްކުރި "ކަލް ހޯ ނަ ހޯ"އަކީ މީގެ 30 އަހަރު ކުރިން ބޮކްސް އޮފީހުގެ ގިނަ ރެކޯޑުތަކެއް މުގުރާލި ފިލްމެކެވެ.

އެ ފިލްމަކީ ދާއިމީ ބައްޔެއް ތަހައްމަލު ކުރަމުން ދާ ފިރިހެނަކާއި މަޑުމައިތިރި އެހެން ނަމަވެސް ރުޅިގަދަ އަންހެނެއްގެ މެދުގައި އުފެދޭ ލޯބި ދައްކުވައިދޭ ފިލްމެކެވެ.

"ކަލް ހޯ ނަ ހޯ" އަލުން ސިނަމާތަކުގައި އަޅުވާފައިވާއިރު މިއަހަރަކީ ކުރީގެ ގިނަ ފިލްމުތަކެއް ރީ ރިލީޒް ކުރަމުން އަންނަ އަހަރެކެވެ.

އެގޮތުން މިހާތަނަށް އަލުން ސިނަމާތަކަށް އައިސްފައިވާ ފިލްމުތަކުގެ ތެރޭގައި "ރެހެނާހޭ ތެރޭ ދިލް މޭން"، "ތުޖޭ މޭރީ ކަސަމް" އަދި "ވީރް ޒާރާ" ހިމެނެ އެވެ.