އިނގިރޭސި ވިލާތުގައި "2024 ވަނަ އަހަރު އަލަށް އުފަންވި ކުދިންނަށް އެންމެ ގިނައިން ކިޔާފައިވާ ނަމަކަށް "މުހައްމަދު" ހޮވިއްޖެ އެވެ.

"މޯސްޓް ޕޮޕިއުލާ ބޭބީ ނޭމް ލިސްޓް"ގައި 2016 ވަަނަ އަހަރުން ފެށިގެން "މުހައްމަދު" ހިމެނެމުން އައި ނަމަވެސް މިއީ އެ ލިސްޓުގެ އެއްވަނަ އެ ނަމަށް ލިބުނު ފުރަތަމަ ފަހަރެވެ.

"މުހައްމަދު"ގެ ފަހަތުން އެ ލިސްޓުގައި ހިމެނިފައިވަނީ "ނޯއާ"އާއި "އޮލިވާ" ފަދަ ކްރިސްޓިއަން ދީނުގެ ނަންތަކެވެ. މުސްލިމް ނަމަކަށް ލިސްޓުގެ ގަދަ 10ގައި ހިމެނިފައިވަނީ ވެސް ހަމައެކަނި "މުހައްމަދު" އެވެ.

އިނގިރޭސި ވިލާތުގައި އަލަށް އުފަންވާ ކުދިންނަށް މުސްލިމް ނަަންތައް ކިޔުން ގިނަވަމުން އަންނަނީ އެގައުމުގެ މުސްލިމް އާބާދީ އިތުރުވަމުންދާތީ އެވެ. އެގޮތުން 2001 ވަނަ އަޅާ ބަލާއިރު 2023 ވަނަ އަހަރު އިނގިރޭސި ވިލާތުގައި މުސްލިމުންގެ އަދަދު ވަނީ ދެ މިލިއަނަށް ވުރެ އިތުރުވެފަ އެވެ.

މީގެ އިތުރުން ވެސް މުސްލިމުންނާއި ޣައިރު މުސްލިމުންގެ މެދުގައި ވެސް އިސްލާމީ ސަގާފަތާމެދު އޮތް ޚިޔާލު ރަނގަޅުވުމަކީ ވެސް އެކަމުގެ ސަބަބެއް ކަމަށް ރިޕޯޓުތައް ބުނެ އެވެ.

"މުހައްމަދު" އަކީ އިސްލާމް ދީނުގައި ވަރަށް ހާއްސަ ގަދަރެއް ދެވިފައިވާ މުޅި އުއްމަތަށް ފޮނުއްވެވި އެންމެ ފަހުގެ ރަސޫލާގެ ނަންފުޅެވެ.