ސޯން ކޯމްބްސް (ޑިޑީ)އާއެކު ކުޑަ ކުއްޖަކަށް ޖިންސީ ފުރައްސާރަ ކުރުމުގައި ބައިވެރިވުމުގެ ތުހުމަތު އެހެން ރެޕް ތަރިއެއް ކަމަށްވާ ޖޭ-ޒީއަށް ކުރެވިއްޖެ އެވެ.

ހަބަރުތައް ބުނާ ގޮތުގައި މިދިޔަ އޮކްޓޯބަރު މަހު ނިޔު ޔޯކްގެ ކޯޓަކަށް ހުށައެޅުނު ދައުވާގައި ޑިޑީގެ އިތުރުން ޖޭ-ޒީގެ ނަން ވެސް ހިމަނާފައިވެ އެވެ.

ބުނެވޭ ގޮތުގައި 2000 ވަނަ އަހަރުގެ އެމްޓީވީ މިއުޒިކް އެވޯޑްސްގެ އާފްޓާ ޕާޓީގެ ތެރެއިން ޑިޑީއާއި ޖޭ-ޒީ ވަނީ 13 އަހަރުގެ ކުއްޖަކު ރޭޕް ކޮށްފަ އެވެ.

އެ ޕާޓީގައި ޑްރަގާއި މަސްތުވާތަކެތި ވެސް ގެންގުޅުނު ކަމަށާއި އެ ކުއްޖާ ރޭޕް ކޮށްފައިވަނީ މަސްތުވާތަކެތި އެއްކޮށްފައިވާ ބުއިމެއް ދީގެން ކަމަށް ހަބަރުތައް ބުނެ އެވެ.

މިކަމާ ގުޅިގެން ޖޭ-ޒީ ބުނެފައިވަނީ އެ މައްސަލައިގައި ކޯޓުން ބޭރުން ހައްލު ހޯދަން އޭނާގެ ވަކީލަށް ބިރު ދައްކައި "ބްލެކްމެއިލް" ކޮށްފައިވާ ކަމަށެވެ.

އެހެން ނަމަވެސް އޭނާގެ ނިންމުމަކީ ކޯޓުގައި އެ މައްސަލައާ ކުރިމަތިލައި ޕަބްލިސިޓީއަށް ކުރި އެކަންތައް ފެއިލް ކޮށްލުން ކަމަށް ވެސް އޭނާ ބުންޏެވެ.