ކިންގް އޮފް ޕޮޕްގެ ނަމުން މަޝްހޫރުވެފައިވާ މައިކަލް ޖެކްސަންގެ ރިލީޒް ކުރެވިފައިނުވާ ލަވަތަކެއް ހިމެނޭ ޓޭޕެއް ކެލިފޯނިއާގެ މީހަކަށް ފެނިއްޖެ އެވެ.

ހަބަރުތައް ބުނާ ގޮތުގައި އޭނާއަށް އެ ޓޭޕް ފެނިފައިވަނީ އޭނާގެ މިލްކިއްޔާތުގައިވާ ސްޓޯރޭޖް ޔުނިޓަކުންނެވެ. އެ ޔުނިޓަކީ މީގެ އަހަރުތަކެއް ކުރިން މިއުޒިކް ޕްރޮޑިއުސަރެއްގެ ތަނެކެވެ.

އެ ޓޭޕުގައި މައިކަލް ޖެކްސަންގެ އަޑުން ކިޔައިދީފައިވާ 12 ލަވައެއް ހިމެނޭއިރު އެ ލަވަތަކުގެ މިއުޒިކް ހުރީ އޭރު ޖެކްސަން ނެރެމުން އައި ލަވަތަކާ ދާދި އެއްގޮތަކަށެވެ. މީގެ ކުރިން އަޑު އިވިފައިނުވާ ޖެކްސަންގެ ލަވަތަކެއް ފެނިފައިވީ ނަމަވެސް އެ ލަވަތައް އާއްމުކޮށް ނެރުމަކީ ނާދިރު ކަމެއް ކަމަށް ހަބަރުތައް ބުނެ އެވެ.

އެ ޓޭޕް ފެނުމުން އެ މީހާ ވަނީ ޖެކްސަން އެސްޓޭޓްއަށް ގުޅައި އެކަމުގެ ހަބަރު ދީފަ އެވެ. އެހެން ނަމަވެސް އެ އެސްޓޭޓުން ވަނީ އެ ޓޭޕް ގަންނަން ދެކޮޅު ހަދާފަ އެވެ. އޭގެ ބަދަލުގައި ޖެކްސަން އެސްޓޭޓުން ވަނީ އެ ޓޭޕްގެ މިލްކުވެރިކަން އެ އެސްޓޭޓަށް ހައްގުނުވާ ކަމަށް ބުނެ އެމީހާއަށް ލިޔުމެއް ދީފަ އެވެ.

މައިކަލް ޖެކްސަންއަކީ 1990 އާއި 2000ގެ ކުރީކޮޅު ދުނިޔޭގެ ގިނަ ބައެއްގެ މަގުބޫލުކަން ހޯދި ތަރި އެކެވެ. އޭނާ މަރުވީ 2009 ވަނަ އަހަރު އޯވާޑޯޒް ވެގެންނެވެ.