މިދިޔަ ބުދަ ދުވަހުގެ ރޭ ބޭއްވި ބިލްބޯޑް އެވޯޑްސްގައި މަޝްހޫރު ލަވަކިޔުންތެރިޔާ ޓޭލާ ސްވިފްޓަށް ރެކޯޑު ކާމިޔާބީއެއް ލިބިއްޖެ އެވެ.

އެ އެވޯޑުގައި ޓޭލާއަށް ޖުމްލަ 17 ނޮމިނޭޝަން ލިބިފައިވާއިރު އޭގެ ތެރެއިން 10 އެވޯޑް އޭނާ ވަނީ ކާމިޔާބު ކޮށްފަ އެވެ. އެއާއެކު އޭނާގެ ކެރިއަރުގައި ލިބުނު އެވޯޑުތަކުގެ އަދަދު 49 އަށް އެރީ އެވެ.

ޓޭލާއަށް ލިބުނު އެވޯޑުތަކުގެ ތެރޭގައި "ޓޮޕް ފީމޭލް އާޓިސްޓް"، "ޓޮޕް ހޮޓް 100 އާޓިސްޓް" އަދި "ޓޮޕް ހޮޓް 100 ސޯންގްރައިޓާ" ހިމެނެ އެވެ. މިއީ ބިލްބޯޑް އެވޯޑްސްގެ ތާރީހުގައި ވެސް އެއް އާޓިސްޓަކަށް މިހާ ގިނަ އެވޯޑް ކާމިޔާބު ކުރެވުނު ފަހަރުކަން ފާހަގަކޮށްލަން ޖެހެ އެވެ.

މިއަހަރުގެ ކުރީކޮޅު ޓޭލާ ވަނީ ގްރެމީގެ "އަލްބަމް އޮފް ދަ އިޔާ"ގެ ޝަރަފު ވެސް ހަތަރުވަނަ ފަހަރަށް ހޯދައި ރެކޯޑެއް ހަދާފަ އެވެ. އެވޯޑުގައި ވާހަކަ ދައްކަމުން ޓޭލާ ބުނީ އެއީ އޭނާއަށް ލިބޭނެ އެންމެ ފުރަތަމަ އުފަންދުވަހުގެ ހަދިޔާ ކަމަށާއި އޭނާ އުއްމީދުކޮށްގެން ހުރީ ވެސް މިކަމަށް ކަމަށެވެ.

މިއަދު 35 ވަނަ އުފަން ދުވަސް ފާހަގަކުރާ ޓޭލާ ސްވިފްޓް ވަނީ ދާދި ފަހުން އޭނާގެ އަމިއްލަ ކޮންސެޓް ސީރީޒް "އީރާސް ޓުއާ" ވެސް ނިންމާލާފަ އެވެ.