މިދިޔަ އަހަރު މުޅި ދުނިޔޭޭގައި ފާހަގަ ކުރެވުނު ފިލްމެއް ކަމަށްވާ "ބާބީ"ގެ ދެވަނަ ބައެއްގެ މަސައްކަތް ފަށައިގެން ކުރިއަށްދާ ކަމަށް ހަބަރުތައް ބުނެފި އެވެ.

ހޮލީވުޑް ރިޕޯޓާގައި ބުނެފައިވާ ގޮތުގައި ބާބީގެ ދެ ސްކްރިޕްޓް ލިޔުންތެރިން ކަމަށްވާ ގްރޭތާ ގެރްވިގްއާއި ނޯއާ ބައުމްބުޗް މިހާރު ދަނީ ދެވަނަ ބައެއްގެ މަސައްކަތް ކުރަމުންނެވެ.

އެގޮތުން ދެވަނަ ބައިގެ ވާހަކަ ލިޔެ އެ ވާހަކަ "ވާނަސް ބްރޯސް" ސްޓޫޑިއޯއަށް މިހާރު ހުށައަޅާފައިވާ ކަމަށް ވެސް އެ ވެބްސައިޓުގައި ބުނެފައިވެ އެވެ.

އެހެން ނަމަވެސް ބާބީގެ ޕްރޮޑިއުސަރުން އަންނަނީ އެ ފްރެންޗައިޒްގެ ދެވަނަ ފިލްމުގެ ވާހަކަ މީޑިއާއަށް ފޮރުވަން ވަރަށް މަސައްކަތް ކުރަމުންނެވެ. މިހާތަނަށް އެ ފިލްމުގެ އެއްވެސް ވާހަކައެއް ރަސްމީކޮށް އިއުލާން ކޮށްފައެއް ނުވެ އެވެ.

މިދިޔަ އަހަރު ރިލީޒް ކުރެވުނު "ބާބީ" ފިޔާތޮށި ކުލައިން މުޅި ދުނިޔަ އެއްކުލަ ކޮށްލިއިރު އެ ފިލްމަށް ވަނީ ރެކޯޑު އާމްދަނީއެއް ވެސް ލިބިފަ އެވެ.

އޭގެ އިތުރުން ވެސް އެ ފިލްމުގައި ގްރޭޓާއާއި ނޯއާ ކޮށްދިން މަސައްކަތަށް އެ ދެމަފިރިންނަށް އޮސްކާ ނޮމިނޭޝަންތައް ވެސް ލިބިފައިވެ އެވެ.