އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެމްބަރުންނަށް ރޯދަ އިނާޔަތް ލިބޭނެގޮތް ހަމަޖެއްސުމަށްޓަކައި ގާނޫނަށް ވަރަށް އަވަހަށް އިސްލާހު ގެންނާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

އދ. ދަނގެތީގައި މިރޭ ބޭއްވި ޖަލްސާގައި ރައީސް ވިދާޅުވީ މަޖިލީހުގެ އާ ދައުރު ފެށުމުން އެންމެ އަވަހަށް ހުށަހެޅޭނެ ބިލްތަކަކީ ލޯކަލް ކައުންސިލްތަކާ ގުޅޭ ގާނޫނުތަކަށް ގެންނަ އިސްލާހުތަކާއި ވަޒީފާއާ ބެހޭ ގާނޫނަށް ގެންނަ އިސްލާހުތައް ކަމަށެވެ.

"....އަދި އެއާ އެކު އިސްލާހުތައް ގެނެސް މި އަންނަ ރަމަޟާން މަހުން ފެށިގެން، ކޮންމެ ރަމަޟާން މަހަކު ޑަބްލިއުޑީސީ މެންބަރުންނަށް ރޯދަ މަހުގެ އިނާޔަތް ދޭނެ ކަމުގެ ޔަގީންކަން އަޅުގަނޑު ދެން،" ރައީސް ވިދާޅުވި އެވެ.

ރައީސް ވިދާޅުވީ ގާނޫނަށް ބަދަލު ގެނެސްގެން އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެމްބަރުންނަށް ލިބޭ އެލަވަންސް މުސާއަރަކަށް ބަދަލު ކުރުމުގެ އިތުރުން ވިހެއުމުގެ ޗުއްޓީ ލިބޭ ގޮތް ހަދައިދޭނެ ކަމަށް ކަމަށެވެ. އެކަމުގެ ސަބަބުން ބޭންކުތަކުން ދޫކުރާ ލޯނުތަކަށް ކުރިމަތިލުމުގެ ފުރުސަތު ވެސް އެ މެމްބަރުންނަށް ފަހިވާނެ ކަމަށް އެމަނިކުފާނު ވިދާޅުވި އެވެ.

އެމަނިކުފާނު މަސައްކަތް ކުރަނީ ރާއްޖެ ބަނގުރޫޓްވިޔަ ނުދޭން ކަމަށެވެ. އަދި ފައިސާ ޗާޕްނުކޮށް ރައްޔިތުންނަަށް މުއްސަނދިކަން ހޯއްދަވައިދެއްވާނެ ކަމުގެ ޔަގީންކަން ރައީސް ދެއްވި އެވެ.