ހޮލީވުޑްގެ މަޝްހޫރު ތަރި ގާލް ގަޑޮޓް ހަތަރުވަނަ ދަރިފުޅަށް މާބަނޑުއިރު އެމަޖެންސީގައި ސިކުނޑީގެ ސާޖަރީއެއް ކުރަން ޖެހުނު ކަމަށް އޭނާ ބުނެފި އެވެ.

އިންސްޓަގްރާމްގައި ގަޑޮޓް ހިއްސާކުރި ޕޯސްޓެއްގައި ބުނެފައިވަނީ އޭނާގެ ބަނޑަށް 8 މަހުގައި ސިކުނޑީގައި ލޭކޮޅެއް ގަނޑުވެފައި ހުރިކަން އެނގުނު ކަމަށެވެ. އެ ހާލަތަކީ އުމުރުން 30ގެ އަހަރުތަކުގައި މާބަނޑުވާ ކޮންމެ 10،000 އަންހެނުންގެ ތެރެއިން

"އެތައް ހަފްތާތަކެއް ވަންދަން ބޮލުގައި ރިއްސާތީ އެނދުން ނުތެދުވިފައި އޮންނަން ޖެހުނު. ހަގީގަތް އެނގުނީ އެމްއާރްއައި އެއް ހެދުމުން،" ގެޑޮޓް ބުންޏެވެ.

ގެޑޮޓް އިތުރަށް ބުނީ އެކަން އެނގުމާއެކު އިމަޖެންސީ ޕްރޮސީޖާއެއްގެ ގޮތުގައި ސާޖަރީއެއް ކުރި ކަމަށާއި އޭނާގެ ދަރިފުޅު އޮރީ އުފަންވީ އެ ހާސްކަންބޮޑު ދަނޑިވަޅުގައި ކަމަށެވެ. އެގޮތުން އޭނާގެ ދަރިފުޅުގެ ނަމަކަށް އޮރީ (އަލި) ކިޔަން ގަސްދުކުރީ އެހެންވެ ކަމަށާއި އެ ދަރިފުޅަކީ އޭނާގެ އަނދިރި ދުވަސްތައް ނިމުމަކަށް ގެނުވި އަލި ކަމަށް ވެސް ގެޑޮޓް ބުންޏެވެ.

އިޒްރޭލަށް ނިސްބަތްވާ ގެޑޮޓްއާއި އޭނާގެ ފިރިމީހާ ޖެރޮން ވަރްސަންގެ ކައިވެންޏަށް މިހާތަނަށް ހަތަރު އަންހެން ކުދިން ލިބިފައިވެ އެވެ.

ގެޑޮޓް އާއްމުންގެ މަގުބޫލުކަން ހޯދާފައިވަނީ 2017 ވަނަ އަހަރު ރިލީޒް ކުރެވުނު ވާނާސް ބްރޯސްގެ ކާމިޔާބު ފިލްމު "ވޮންޑާ ވުމަން"ގެ ލީޑު އެކްޓަރުގެ ގޮތުގަ އެވެ.