ގިނަ ބައެއްގެ އިންތިޒާރަށް ނިމުމެއް ގެނެސް ދުނިޔޭގެ އެންމެ ބޮޑު އެއް ޓެކް ކުންފުނި، ސެމްސަންގްގެ އެސް 25 ސީރީޒް ދައްކާލައިފި އެވެ.

މިދިޔަ ބުދަ ދުވަހު އިއުލާންކުރި އެސް 25 ސީރީޒްގައި ހިމެނެނީ ގެލެކްސީ އެސް 25، ގެލެކްސީ އެސް 25 ޕްލަސް، ގެލެކްސީ އެސް 25 އަލްޓްރާ އަދި ގެލެކްސީ އެސް 25 އެޖް އެވެ.

އެސް 25 ސީރީޒްއަކީ އެސް 23 އާއި އެސް 24އާ އަޅާބަލާއިރު ހުރިހާ ގޮތަކުން ވެސް މާ ފުރިހަމަ ފޯނުތަކެއް ކަމަށް ސެމްސަންގްއިން ބުނެ އެވެ.

ސެމްސަންގްއިން ބުނެފައިވަނީ އެސް 25ގެ ސިސްޓަމް ޕްރޮސެސާއާއި ކެމެރާއަކީ އެ ސީރީޒްގެ އެންމެ ފާހަގަކޮށްލެވޭ ސިފަތައް ކަމަށެވެ.

އޭގެ އިތުރުން މުޅިން އާ އޭއައި ޓެކްނޮލޮޖީ ފީޗާސްތަކާއެކު އެސް 25 ސީރީޒް ވެގެންދާނީ ފޯނު ބޭނުންކުރާ މީހުންގެ އެންމެ ގާތް އެކުވެރިޔާއަށް ކަމަށް ވެސް ސެމްސަންގްއިން ބުނެފައިވެ އެވެ.

އެސް ސީރީޒްއަކީ ސެމްސަންގްގެ ފްލެގްޝިޕް ޕްރޮޑަކްޓަށްވާއިރު ކޮންމެ އަހަރަކު ކަހަލަ ގޮތަކަށް ނެރޭ އާ ސީރީޒްއަށް އާއްމުންގެ ބޮޑު މަގުބޫލު ކަމެއް ލިބެ އެވެ.

އެސް 25 ސީރީޒްގެ ފޯނުތަކުގެ އަގުތައް 1000 ޑޮލަރާއި 1500 ޑޮލަރާ ދެމެދު އުޅޭއިރު އެ ފޯނުތައް މިހާރު ވަނީ ޕްރީ އޯޑަރަށް ހުޅުވާލާފަ އެވެ.