ރަމަޟާން މަސް ނިމި މިއަހަރުގެ ފިތުރު އީދު މުސްލިމުންނާ ބައްދަލު ކޮށްފައިވާއިރު ބޮލީވުޑްގެ މަޝްހޫރު ތަރިން ވެސް ވަނީ އެކި ގޮތްގޮތުން މި އީދުގެ އުފަލުގައި ބައިވެރިވެފަ އެވެ.

ސައިފް އަލީ ޚާން - ކަރީނާ ކަޕޫރު

https://www.instagram.com/p/DH2-L48AG9u/?utm_source=ig_embed&ig_rid=3a734c74-2950-412b-b9b5-91c8c27917e8

ނުރައްކާތެރި ވަޅީގެ ހަމަލާއަކުން ސަލާމަތްވުމަށްފަހު ސައިފް އަލީ ޚާންއާއި ކަރީނާ ކަޕޫރުގެ އާއިލާއިން ފާހަގަކުރި ފުރަތަމަ އީދު ހޭދަކޮށްފައިވަނީ އާއިލާއާއެކުގަ އެވެ. އެގޮތުން ސައިފްގެ ކޮއްކޮމެން ކަމަށްވާ ސަބާ އަލީ ޚާން އަދި ސޯހާ އަލީ ޚާން ހިމަނައިގެން މެންދުރުގެ ކެއުމެއް ވަނީ ބާއްވާފަ އެވެ. އެ އާއިލާ އެކުގައި ނަގާފައިވާ ފޮޓޯއެއް ވެސް މިހާރު ދަނީ ދައުރުވަމުންނެވެ.

ޝާހްރުކް ޚާން

ކޮންމެ އީދެއްގައި ވެސް ޝާހްރުކް ޚާންގެ ގެ "މަންނަތު"ގެ ބެލްކަނިން އޭނާގެ ފެނިލުމެއް ފެނުނު ނަމަވެސް މިފަހަރު އޭނާގެ ގޭގެ މަރާމާތުގެ ކަންކަން ކުރިއަށް ދާތީ ސަޕޯޓަރުންނަށް އޭނާ ފެނިފައެއް ނުވެ އެވެ. އެހެން ނަމަވެސް ޝާހްރުކް ޚާން ވަނީ ސޯޝަލް މީޑިއާ މެދުވެރިކޮށް އީދުގެ ތަހުނިޔާ އޭނާގެ ސަޕޯޓަރުންނަށް ފޮނުވާފަ އެވެ.

އާމިރު ޚާން

https://www.instagram.com/reel/DH3VyXzzofb/?utm_source=ig_embed&ig_rid=349902a1-5ac7-462b-9ddb-70885a479317

އާމިރު ޚާންއާއި އޭނާގެ ދެ ދަރިން ކަމަށްވާ ޖުނައިދު ޚާން އަދި އާޒާދު ޚާން މިފަހަރުގެ އީދު ފާހަގަކުރީ ވަރަށް ތަފާތު ގޮތަކަށެވެ. އެގޮތުން އެ ތިން ބަފައިން ގެއިން ބޭރަށް ނުކުމެ އީދުގެ ހަދިޔާ ބެހުމުގައި އުޅުނެވެ. އާމިރުގެ އީދުގައި އޭނާގެ ކުރީގެ އަނބިން ކަމަށްވާ ރީނާ ދައްތާއާއި ކިރަން ރާއޯ ވެސް ވަނީ ބައިވެރިވެފަ އެވެ.

ސަލްމާން ޚާން

https://www.instagram.com/reel/DH3VIg8yMif/?utm_source=ig_embed&ig_rid=49120933-38e5-481f-b527-3e27b8d46e8d

އީދަކީ ސަލްމާން ޚާންއަށް ވަރަށް ހާއްސަ މުނާސަބަތެކެވެ. ފާއިތުވި އަހަރުތަކެކޭ ވެސް އެއްގޮތަށް މިއަހަރުގެ އީދުގައި ވެސް ސަލްމާންގެ ފިލްމެއް ރިލީޒް ކުރެވިފައިވާއިރު އީދުގެ މުނާސަބަތުގައި ސަލްމާން ވަނީ އޭނާއަށް ބޮޑުބޭބެ ކިޔާ އާޔަތުއާއެކު ބުލެޓް ޕްރޫފް ބިއްލޫރިގަނޑެއްގެ ތެރެއިން އާއްމުންނާ ސަލާމްކޮށްފަ އެވެ.

ޕްރިޔަންކާ ޗޯޕްރާ

ޕްރިޔަންކާ ހިއްސާކުރި ފޮޓޯ

ޕްރިޔަންކާ ވަނީ އޭނާގެ ސޯޝަލް މީޑިއާ މެދުވެރިކޮށް އީދު ފާހަގަކުރަމުން އަންނަ ފަރާތްތަކަށް އެ ދުވަހުގެ ހެޔޮ ދުއާއާއި ތަހުނިޔާ ފޮނުވާފަ އެވެ.