ރޯވި ބޯޓުން ގެއްލުނު މީހާ ހޯދުމުގެ މަސައްކަތް ފަށައިފި
"އޯޓިޒަމް ކުދިންނަށް އަޅާލުމާއި ލޯބި ދިނުމަކީ ގައުމީ ވާޖިބެއް"
އެމެޒޯން އިން ޓިކްޓޮކް ގަތުމަށް ބިޑް ހުށަހަޅައިފި
ތަނަކަށް ދާން ތައްޔާރުވާން ހެދުން އަލަމާރި ހުޅުވާލައި ދެކޮޅަށް ބަލާލުމަށްފަހު އެންމެ ފުރަތަމަ ވެސް ހިތަށް އަންނަނީ ލާނެ ހެދުމެއް ނެތް ކަމުގެ ޚިޔާލެވެ. އަލަމާރި އެއްކޮޅުން އަނެއް ކޮޅަށް ފުރިފައި ހުރި ނަމަވެސް ތަފާތު ކޮށްލަން ލާނެ ހެދުމެއް ނެތުމަކީ ގިނަ އަންހެން ކަނބަލުންގެ ޝަކުވާ އެކެވެ. އެކަމުގެ ހައްލަކީ "ކެޕްސޫލް ވޯޑްރޯބް" އެވެ.
ކެޕްސޫލް ވޯޑްރޯބްއަކީ ކޮބާ؟
"ކެޕްސޫލް ވޯޑްރޯބް" އޭ ބުނެވެނީ އަލަމާރީގައި ހުރި އެކި ހެދުންތައް އެކި ކަހަލަ ގޮތްގޮތަށް ބޭނުން ކޮށްގެން ތަފާތު "އައުޓްފިޓް"ތައް ހެދުމެވެ. މިގޮތުގެ މަތިން މަދު ހެދުންތަކަކާއެކު ވެސް ތަފާތު ގޮތްގޮތަށް ހެދުން އެޅުމުގެ ފުރުސަތު ލިބި އާ ފެޝަން ތަޖުރިބާ ކޮށްލަން ވެސް ލިބެ އެވެ.
ކެޕްސޫލް ވޯޑްރޯބްގައި ހިމަނާނީ ކޮން ހެދުންތަކެއް؟
ކެޕްސޫލް ވޯޑްރޯބެއްގައި އެންމެ މުހިއްމު ކަމަކީ ހުރިހާ "މުސްކުޅިނުވާ" އަދި މޫސުމުކާ ވެސް ގުޅޭ ހެދުންތައް ބޭނުން ކުރުމެވެ. ތަފާތު ފެބްރިކް މެޓީރިއަލްއާއި ޑިޒައިންތައް ހިމެނުމަކީ ވެސް ކެޕްސޫލް ވޯޑްރޯބް އިތުރަށް ފުރިހަމަ ކޮށްދޭނެ ކަމެކެވެ. އެއާއެކު "އައުޓްފިޓް" ފުރިހަމަވާނީ އެއާގުޅޭ ރަނގަޅު އެކްސެސޮރީޒް ވެސް ބޭނުން ކުރުމުންނެވެ.
1. ހުދު ގަމީހެއް
ހުދު ގަމީހަކީ އެންމެ ކުރީއްސުރެ މިއަދާ ހަމައަށް ވެސް ފޫހިނުވެ އޮތް ފެޝަނެކެވެ. އޮފީހަށް ދާއިރު ކަޅު ބެލްސްއަކާއެކު ވިޔަސް ނުވަތަ ހަވީރު ފިންޏަށް ނުކުންނައިރު ޑެނިމް ޖިންސްއަކާއެކު ވިޔަސް ހުދު ގަމީހަކީ ކެޕްސޫލް ވޯޑްރޯބްއެއްގެ އެންމެ މުހިއްމު ހިއްސާ އެވެ.
2. ސްރިޕްޓްޑް ސްވެޓާއެއް
ކެޕްސޫލް ވޯޑްރޯބެއް ތައްޔާރު ކުރާއިރު ތިމާގެ އަމިއްލަ ސްޓައިލާ ގުޅޭ ހެދުންތައް އިޚްތިޔާރު ކުރުމަކީ މުހިއްމު ކަމެވެ. ސްޓްރިޕްޑް ނުވަތަ ރޮނގުދެމި ސްވެޓާއަކީ ތަފާތު އައުޓްފިޓްތަކުގައި ބޭނުން ކުރެވޭނެ ހެދުމަކަށްވާއިރު އެއީ ގިނަ ބައެއްގެ ސްޓައިލާ ވެސް ގުޅޭ ޓްރެންޑެކެވެ.
3. ބްލޭޒާއެއް
ނިއުޓްރަލް ކުލައެއްގެ ބްލޭޒާއެއް އަލަމާރީގައި ހުރުމަކީ އެކި މުނާސަބަތުތަކުގައި ތިބާގެ ހެދުން އެޅުން އިތުރަށް ފުރިހަމަ ކޮށްދޭނެ ކަމެކެވެ. މިއީ އެއްކަލަ ހުދު ގަމީހާއި ސްޓްރިޕްޑް ސްވެޓާއާއެކު ވެސް ބޭނުން ކުރެވިދާނެ ހެދުމެކެވެ.
4. ޑެނިމް ޖެކެޓެއް
ބްލޭޒާއަކާ ޚިލާފަށް ޑެނިމް ޖެކެޓަކީ ހަމައެކަނި ތަންކޮޅެއް ކެސުއަލް އައުޓްފިޓްތަކަށް ބޭޭނުން ކުރެވޭނެ އެއްޗެކެވެ. އެހެން ނަމަވެސް އެއީ އެއާނުލާ ކެޕްސޫލް ވޯޑްރޯބްއެއް ފުރިހަމަ ނުވާނެ "އޯލް އިން ވަން" އައިޓަމް އެކެވެ.
ކެޕްސޫލް ވޯޑްރޯބްއަކަށް ބޭނުންވާ އެންމެ ފަހުގެ މިނިމަލިސްޓް ހެދުންތައް މެންގޯއިން ލިބެން ހުންނައިރު އެއީ ހެދުން އަލަމާރި ފަޅުފިލުވާލަން ލިބޭ ރަނުގެ ފުރުސަތެކެވެ.
