ހޮލީވުޑްގެ މަޝްހޫރު އެކްޓަރު ޖެނިފާ ލޮރެންސްއާއި އޭނާގެ ބައިވެރިޔާ ކޫކް މެރޯނީ އެމީހުންގެ ދެވަނަ ދަރިފުޅަށް މަރުހަބާ ކިޔައިފި އެވެ.

ހޮލީވުޑް ހަބަރުތައް ބުނާ ގޮތުގައި ޖެނިފާ އޭނާގެ ދެވަނަ ދަރިފުޅު ވިހާފައިވަނީ މިދިޔަ އަންގާރަ ދުވަހު އެވެ. އެހެން ނަމަވެސް ސީދާ އެއީ ކޮން ވަގުތެއް ކަމެއް ޔަގީނެއް ނުވެ އެވެ.

އެ ދެމީހުންނަކީ މިހާރު ވެސް ތިން އަހަރުގެ ފިރިހެން ކުއްޖެއްގެ މައިންބަފައިންނެވެ. މިފަހަރު އެމީހުންނަށް ލިބުނީ ކޮންކަހަލަ ކުއްޖެއް ކަމެއް އަދި ނޭނގެ އެވެ.

މިދިޔަ އަހަރުގެ އޮކްޓޯބަރު ބަލިވެ އިންކަން ޖެނިފާ އިއުލާން ކުރިއިރު އޭނާ ވަނީ ބަލިވެ އިނުމުގެ ތަޖުރިބާ ވެސް ޕީޕަލްސް މެގަޒިންއާ ހިއްސާ ކޮށްފަ އެވެ.

"އަލުން ބަލިވެ އިނުމަކީ ބުނެދޭން ނޭނގޭ ކަހަލަ އިހުސާސްތަކެއް ކުރުވާ ކަމެއް. މިއީ މިކަމަށް އެންމެ ރަނގަޅު ވަގުތު" ޖެނިފާ ބުންޏެވެ.

ދެވަނަ ދަރިފުޅު ލިބުމާއެކު ޖެނިފާއާއި ކޫކް ވަނީ ވަރަށް ފަހުން ނިއުޔޯކްގައި ކައިވެނިކޮށް ކައިވެނި ރަޖިސްޓްރީ ވެސް ކޮށްފަ އެވެ.